କେଶଦୁରାପାଳ : ମୟୁରଭଞ୍ଜ ଜିଲା ଘସିପୁରା ଥାନା ଅନ୍ତର୍ଗତ ୨୦ ନମ୍ୱର ଜାତୀୟ ରାଜପଥ ଶାଳପଡା ଛକ ନିକଟରେ ବୁଧବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏକ ଟ୍ରକ ଓ ବାଇକ ମୁହାଁମୁହିଁ ଧକ୍କା ହେବା ଫଳରେ ବାଇକ ଆରୋହୀଙ୍କର ମୃତ୍ୟୁ ଘଟିଛି । ମୃତକଙ୍କ ନାଁ ସଦାନନ୍ଦ ମହାନ୍ତ ।
ସୂଚନା ଅନୁଯାୟୀ, ସଦାନନ୍ଦ ଭୋଜି ଉଦ୍ଦେଶ୍ୟରେ ମାଂସ ନେଇ ଘସିପୁରାରୁ ଶାଳପଡାକୁ ଯାଉଥିବାବେଳେ ଶାଳପଡ଼ା ଗୁଞ୍ଜନ ଛକ ନିକଟରେ ଏକ ଟ୍ରକ ସାମ୍ନା ପଟୁ ଆସି ତାଙ୍କୁ ଧକ୍କା ଦେଇଥିଲା । ଏହାପରେ ସ୍ଥାନୀୟଲୋକେ ଘସିପୁରା ଦମକଳ ବାହିନୀ ସହଯୋଗରେ ସଦାନନ୍ଦଙ୍କୁ ଆନନ୍ଦପୁର ଡାକ୍ତରଖାନାକୁ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଘସିପୁରା ପୁଲିସ ଗାଡିକୁ ଜବତ କରି ତଦନ୍ତ କରୁଥିବା ବେଳେ ଗାଡ଼ି ଚାଳକ ଫେରାର ହୋଇଯାଇଥିବା ଜଣାପଡ଼ିଛି ।
