ଚେନ୍ନାଇ: ତାମିଲନାଡୁର ରାଜଧାନୀ ଚେନ୍ନାଇର ତ୍ରିଚୀ ଏକ ସଡକ ଦୁର୍ଘଟଣାରେ ଗୋଟିଏ ପରିବାରର ୮ ଜଣଙ୍କ ମୃତ୍ୟୁ ଘଟିଛି । ମୃତକ ମଧ୍ୟରେ ୩ ଜଣ ମହିଳା ଏବଂ ୨ ଜଣ ଶିଶୁ ରହିଥିବା ଜଣାପଡିଛି । ପୁଲିସ ସୂଚନା ଅନୁଯାୟୀ, ସମୟପୁର ଟୋଲ ପ୍ଲାଜା ନିକଟରେ ରବିବାର ସକାଳ ୫ଟାରେ ଡ୍ରାଇଭର ଗାଡି ଉପରୁ ନିୟନ୍ତ୍ରଣ ହରାଇ ଜାତୀୟ ରାଜପଥ ଉପରେ ଥୁଆ ହୋଇଥିବା ଟ୍ରକକୁ ପଛରୁ ଧକ୍କା ଦେଇଥିଲେ । ଗାଡିରେ ୧୨ ଜଣ ଲୋକ ରହିଥିଲେ । ଦୁର୍ଘଟଣା ପରେ ସ୍ଥାନୀୟଲୋକ ପୁଲିସ ଖବର ଦେବା ସହ ଦୁର୍ଘଟଣାଗ୍ରସ୍ତ ଗାଡିରୁ ଆହତଙ୍କୁ ଉଦ୍ଧାର କରି ତ୍ରିଚୀ ହସ୍ପିଟାଲରେ ଭର୍ତ୍ତି କରିଥିଲେ । ସେମାନଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ଥିବା ଜଣାପଡିଛି ।
ସୂଚନାଯୋଗ୍ୟ, ୨୦୧୫ ମସିହା ଅକ୍ଟୋବର ୨୦ରେ ସେହି ସ୍ଥାନରେ ଏକ ସଡକ ଦୁର୍ଘଟଣା ଘଟିଥିଲା। ସେଥିରେ ୧୦ ଜଣଙ୍କ ମୃତ୍ୟୁ ଘଟିଥିଲା।
