୩୪୦ କେ.ଜି. ଓଜନର ଟ୍ରାନ୍ସଫର୍ମର ପିଠିରେ ଲଦି ପାହାଡ ଚଢୁଛନ୍ତି ଏହି ବ୍ୟକ୍ତି, ଭିଡିଓ ଦେଖିଲେ ହେବେ ଆଶ୍ଚର୍ଯ୍ୟ

ନୂଆଦିଲ୍ଲୀ : ଆପଣ ଅଧିକ ଓଜନ ଉଠାଇ ଲୋକଙ୍କୁ ବ୍ୟାୟାମ କରୁଥିବା ଦେଖିଥିବେ । କିନ୍ତୁ ସାମାଜିକ ଗଣମାଧ୍ୟମରେ ଏବେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଜଣେ ପତଳା ବ୍ୟକ୍ତି ୨୫ କିଲୋଓ୍ବାଟର ଏକ ଟ୍ରାନ୍ସଫର୍ମର ନିଜ ପିଠିରେ ଲଦି ପାହାଡ ଚଢୁଥିବା ନଜର ଆସୁଛନ୍ତି । ଏହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହେଉଛନ୍ତି ।

25 kv transformer means 340 Kg

Power of pahadi 🔥 pic.twitter.com/FEN5ibhukQ

— Siddharth Bakaria (@SidBakaria) March 28, 2024

ଭିଡିଓରେ ନଜର ଆସୁଛି କି ଜଣେ ବ୍ୟକ୍ତି ଏକ ଦଉଡି ସାହାଯ୍ୟରେ ୩୪୦ କେ.ଜି ଓଜନର ଟ୍ରାନ୍ସଫର୍ମର ନିଜ ପିଠିରେ ବାନ୍ଧିଛନ୍ତି । ସାମାଜିକ ଗଣମାଧ୍ୟମ ଏକ୍ସରେ ୨୫ ସେକେଣ୍ଡର ଏହି ଭିଡିଓକୁ ଏପର୍ଯ୍ୟନ୍ତ ୩ ଲକ୍ଷରୁ ଅଧିକ ଲୋକ ଦେଖିସାରିଲେଣି । ତେବେ ଭିଡିଓଟି କେଉଁଠି ଏବଂ କେଉଁ ସମୟର ତାହା ଜଣାପଡିନି । ଭିଡିଓରେ ଲୋକମାନେ ହିନ୍ଦୀ ଏବଂ ଆଞ୍ଚଳିକ ଭାଷାରେ କଥା ହେଉଛନ୍ତି । ଏହାକୁ ଦେଖି ଜଣାପଡୁଛି କି ଦୃଶ୍ୟଟି ଭାରତର କେଉଁଠି ପାହାଡିଆ ଅଞ୍ଚଳର । ତେବେ ଭିଡିଓଟି ଭାଇରାଲ ହେବାରେ ଲାଗିଛି ଏବଂ ଲୋକମାନେ ଏଥିରେ ପ୍ରତିକ୍ରିୟା ରଖି ସେହି ବ୍ୟକ୍ତିଙ୍କ ପ୍ରଶଂସା କରୁଛନ୍ତି ।