ଭାରତୀୟ ବଂଶୋଦ୍ଭବ ସିରିନ୍‍ ମାଥ୍ୟୁସ୍‍ ହେଲେ କାଲିଫର୍ଣ୍ଣିଆ ଜିଲ୍ଲା ଜଜ୍‍

ୱାଶିଂଟନ :  ଭାରତୀୟ ବଂଶୋଦ୍ଭବ ଆମେରିକୀୟ ନାଗରିକ ସିରିନ୍‍ ମାଥ୍ୟୁସ୍‍ ଦକ୍ଷିଣ କାଲିଫର୍ଣ୍ଣିଆ ଜିଲ୍ଲା ଜଜ୍‍ ଭାବେ ମନୋନୀତ ହୋଇଛନ୍ତି। ଆମେରିକା ରାଷ୍ଟ୍ରପତି ଡୋନାଲ୍‍ଡ୍‍ ଟ୍ରମ୍ପ୍‍  ଦକ୍ଷିଣ କାଲିଫର୍ଣ୍ଣିଆ ଜିଲ୍ଲା ଜଜ୍‍ ଭାବେ ତାଙ୍କୁ ମନୋନୀତ କରିଛନ୍ତି । ମାଥ୍ୟୁସ୍‍ ଆମେରିକା ସାନ୍‍ଡିଏଗୋସ୍ଥିତ ପଞ୍ଚମ ବୃହତ୍ତମ ଲ’ ଫାର୍ମ ଜୋନ୍‍ସ୍‍ ଡେ’ର ଜଣେ ଅଂଶୀଦାର। ସେ ଆଜୀବନ ଏହି ପଦରେ ରହିବେ। କେବଳ କେତେକ ବିଶେଷ ପରିସ୍ଥିତିରେ ଉଦ୍ଦିଷ୍ଟ ଆଇନର ଉଲ୍ଲଙ୍ଘନ କଲେ ତାଙ୍କୁ ବହିଷ୍କାର କରାଯିବ।