ତୁଷୁରା:ତୁଷୁରା ଅବକାରୀ ବିଭାଗ ପକ୍ଷରୁ ଶୁକ୍ରବାର ଚଢ଼ାଉ କରାଯାଇ ୪୨ ଲିଟର ମଦ ଜବତ କରିବା ସହ ୨ ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ ଗୁଡ଼ଭେଲା ବ୍ଳକ ସମରା ଗାଁର ମନୁ ଭୁଏଙ୍କ ଠାରୁ ୨୦ ଲିଟର ଓ ତ୍ରିଲୋଚନ ଭୋଇଙ୍କ ଠାରୁ ୨୨ ଲିଟର ଦେଶୀ ହାତ ରନ୍ଧା ମଦ ଜବତ କରିବା ସହ ଉକ୍ତ ୨ ଜଣଙ୍କୁ ଗିରଫ କରି କୋର୍ଟ ଚାଳାନ କରାଯାଇଛି । ଏହି ଚଢ଼ାଉରେ ବଲାଙ୍ଗିର ସଦର ଅବକାରୀ ଥାନା ଅଧିକ୍ଷକ ଶ୍ରୀକର ମାଝୀଙ୍କ ନିର୍ଦ୍ଧେଶ କ୍ରମେ ତୁଷୁରା ଅବକାରୀ ଏସଆଇ ଶଶିକାନ୍ତ ଦତ୍ତଙ୍କ ନେତୃତ୍ୱରେ ଜିଲା ମୋବାଇଲ ୟୁନିଟ ଓ ପାଟଣାଗଡ଼ ଅବକାରୀ ଥାନାଧିକାରୀ ଓ କର୍ମଚାରୀମାନଙ୍କ ସାହାଯ୍ୟରେ ତୁଷୁରା ଅଧିନସ୍ଥ ଉପରୋକ୍ତ ଗ୍ରାମରେ ଚଢ଼ାଉ କରିଥିଲେ । ଏହି ଚଢ଼ାଉରେ ଅବକାରୀ ନିରୀକ୍ଷକ ପ୍ରଶାନ୍ତ ନାଏକ,ପାଟଣାଗଡ଼ ଅବକାରୀ ଥାନାଧିକାରୀ ଅନ୍ନପୂର୍ଣ୍ଣା ରଥ,ବଲାଙ୍ଗିର ମୋବାଇଲ ୟୁନିଟ ଗିରିଜା ଶଙ୍କର ପାଣିଗ୍ରାହୀ,ପଦ୍ମଲୋଚନ ନାଏକ ଆଦି ସମସ୍ତ କର୍ମଚାରୀ ଚଢ଼ାଉରେ ସାମିଲ ଥିଲେ ।
Comments are closed.