ମୁମ୍ବଇ: ମୁମ୍ବଇରେ ପୁଣି ଥରେ ବର୍ଷା ଦୁର୍ଦ୍ଦଶା ଦେଖିବାକୁ ମିଳିଛି। ପ୍ରବଳ ବର୍ଷାରେ ସହରବାସୀ ହନ୍ତସନ୍ତ ହେଉଛନ୍ତି। ବିଭିନ୍ନ ଅଞ୍ଚଳ ବର୍ଷାଜଳରେ ଘେରାବନ୍ଦୀ ହୋଇ ରହିଛି। ଆଗାମୀ ୨୪ ଘଣ୍ଟା ଯାଏ ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ ସତର୍କ ସୂଚନା ଜାରି କରିବା ପରେ ଲୋକଙ୍କ ଚିନ୍ତା ବଢ଼ିଯାଇଛି। ଅନ୍ୟପଟେ ପ୍ରବଳ ବର୍ଷା ଯୋଗୁ ବଦଲାପୁର ନିକଟରେ ମହାଲକ୍ଷ୍ମୀ ଏକ୍ସପ୍ରେସ ଟ୍ରେନ ଫସିରହିଛି। ଟ୍ରେନରେ ପାଖାପାଖି ୭୦୦ ଯାତ୍ରୀ ରହିଛନ୍ତି। ଏନଡିଆରଏଫ ଟିମ ପହଞ୍ଚି ସେମାନଙ୍କୁ ଉଦ୍ଧାର କାର୍ଯ୍ୟ ଜାରି ରଖିଛି। ରେଲୱେ ପକ୍ଷରୁ ଯାତ୍ରୀମାନଙ୍କୁ ବିସ୍କୁଟ ଏବଂ ପାଣି ବଣ୍ଟନ କରାଯାଉଛି। ରେଲୱେ ସୁରକ୍ଷା ବଳ ଏବଂ ସହରର ପୁଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟରେ ସହାୟତା କରୁଛନ୍ତି। ଘଟଣାସ୍ଥଳକୁ ୩ଟି ନୌକା ପଠାଯାଇଥିବା ସୂଚନା ଏବଂ ଜନସମ୍ପର୍କ ମହାନିର୍ଦେଶକ ବୃଜେଶ ସିଂହ କହିଛନ୍ତି। ଯାତ୍ରୀମାନଙ୍କୁ ଟ୍ରେନରେ ରହିବାକୁ ମଧ୍ୟ ରେଲୱେ ପକ୍ଷରୁ ନିବେଦନ କରାଯାଇଛି।
Popular Categories
Previous article
Next article