ଗଞ୍ଜାମ: ଗଞ୍ଜାମ ଜିଲା ଦିଗପହଣ୍ଡି ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି । ଶ୍ବଶୁରଙ୍କ ଛୁରା ମାଡରେ ଜ୍ବାଇଁ ଆହତ ହୋଇଥିବା ଅଭିଯୋଗ ହୋଇଛି । ଗୁରୁବାର ରାତି ପ୍ରାୟ ସାଢ଼େ ୧୦ଟା ବେଳେ ଏହି ଘଟଣା ଘଟିଛି । ଶ୍ବଶୁରଙ୍କ ଛୁରା ମାଡରେ ଯୁବକଙ୍କ ପେଟ ଓ ମୁଣ୍ଡରେ ଶକ୍ତ ଆଘାତ ଲାଗିଛି । ଗୁରୁତର ଅବସ୍ଥାରେ ତାଙ୍କୁ ଏମକେସିଜି ମେଡିକାଲରେ ଭର୍ତ୍ତି କରାଯାଇଛି । ଆହତ ଯୁବକ ଜଣଙ୍କ ହେଉଛନ୍ତି ଦିଗପହଣ୍ଡି ଥାନା ଅନ୍ତର୍ଗତ କଲ୍ୟାଣପୁର ଗ୍ରାମର ସଞ୍ଜୟ ଗୌଡ଼ ।
ସୂଚନାଯୋଗ୍ୟ, ଗତ କିଛି ଦିନ ପୂର୍ବେ ସଞ୍ଜୟ ପ୍ରେମ ବିବାହ କରିଥିଲେ । ଏହି ବିବାହକୁ ତାଙ୍କ ଶ୍ବଶୁର ଗ୍ରହଣ କରିନଥିଲେ । ରାଗରେ ଜର୍ଜରିତ ଥିବା ଶ୍ବଶୁର ଗତକାଲି ଜ୍ବାଇଁଙ୍କୁ ନିକଟରେ ପାଇ ଛୁରା ମାଡ କରିଥିଲେ ।
