ଶ୍ରୀନଗର : ଜାମ୍ମୁ କାଶ୍ମୀରରେ ଅମରନାଥ ଯାତ୍ରାବେଳେ ଗୁରୁବାର ଅମ୍ଳଜାନସ୍ତର କମିଯିବାରୁ ୨୫ ଶ୍ରଦ୍ଧାଳୁ ଚେତାଶୂନ୍ୟ ହୋଇପଡିଥିଲେ। ଯାତ୍ରା ପଥରେ ମୁତୟନ ଆଇଟିବିପି ଯବାନମାନେ ସେମାନଙ୍କୁ ତତ୍କାଳ ଅମ୍ଳଜାନ ସିଲିଣ୍ଡର ଯୋଗେ ଅମ୍ଳଜାନ ପ୍ରଦାନ କରିଥିଲେ। ଅବସ୍ଥା ସ୍ୱାଭାବିକ ହେବା ପରେ ସେମାନେ ପୁନଃ ଯାତ୍ରା ଆରମ୍ଭ କରିଥିଲେ।
୧୨୦୦୦ ଫୁଟ ଉଚ୍ଚରେ ଅମ୍ଳଜାନସ୍ତର କମି ଯାଇଥାଏ। ଫଳରେ ଶ୍ରଦ୍ଧାଳୁମାନେ ନିଶ୍ୱାସ-ପ୍ରଶ୍ୱାସରେ କଷ୍ଟ ଅନୁଭବ କରିଥାନ୍ତି। ଏପରିକି କେତେକ ସମୟରେ ଶ୍ରଦ୍ଧାଳୁମାନେ ଅଚେତ ହୋଇଯାଇଥାନ୍ତି। ତେଣୁ ଯାତ୍ରା ପଥରେ ମୁତୟନ ଆଇଟିବିପି ଯବାନଙ୍କୁ ଅମ୍ଳଜାନ ସିଲିଣ୍ଡର ଯୋଗାଇ ଦିଆଯାଇଛି। ଅସୁବିଧାରେ ପଡୁଥିବା ଶ୍ରଦ୍ଧାଳୁଙ୍କୁ ସେମାନେ ଅମ୍ଳଜାନ ଦେଇ ଉଦ୍ଧାର କରୁଛନ୍ତି। ଗୁରୁବାର ଯାତ୍ରା ପଥରେ ପଡ଼ିଥିବା ପଥର ଓ ମାଟି ଅତଡ଼ାକୁ ଯବାନମାନେ ସଫା କରିଥିଲେ। ସୁରକ୍ଷା ଓ ସୁବିଧା ପାଇଁ ଯାତ୍ରା ପଥରେ ବ୍ୟାପକ ସୁରକ୍ଷା କର୍ମୀଙ୍କୁ ମୁତୟନ କରାଯାଇଛି।
Comments are closed.