ହାଇଦରାବାଦ/ନ୍ୟୁୟର୍କ : ଆମେରିକାର ନ୍ୟୁୟର୍କ ସହରରେ ପ୍ରସିଦ୍ଧ ଭାରତୀୟ ଅଳଙ୍କାରର ନିଲାମ ହୋଇଛି। ଏହି ନିଲାମର ମୁଖ୍ୟ ଆକର୍ଷଣ ଥିଲା ହାଇଦରାବାଦ ନିଜାମ ମୀର ଉସ୍ମାନ ଅଲ୍ଲୀଙ୍କ ହୀରା ମୁଦି, ହାର ଏବଂ ଖଣ୍ଡା।
ନିଜାମଙ୍କ ୫୨.୫୮ କ୍ୟାରେଟର ହୀରା ମୁଦି ‘ମିରର ଅଫ ପାରାଡାଇଜ’ ୪୫ କୋଟି ଟଙ୍କାରେ ଓ ତାଙ୍କ ଖଣ୍ଡା ୧୩.୪ କୋଟି ଟଙ୍କାରେ ନିଲାମ ହୋଇଛି। ‘ମିରର ଅଫ ପାରାଡାଇଜ’ ମୁଦିରେ ଲାଗିଥିବା ହୀରା ଗୋଲକୁଣ୍ଡାର ବିଶ୍ୱପ୍ରସିଦ୍ଧ ଖାଦାନରୁ ମିଳିଥିଲା। ସେହିପରି ୩୩ଟି ହୀରାକୁ ନେଇ ନିର୍ମିତ ନିଜାମଙ୍କ ହାର ୧୭ କୋଟି ଟଙ୍କାରେ ନିଲାମ ହୋଇଛି। ଏହି ହାର ୧୦.୫ କୋଟି ଟଙ୍କାରେ ନିଲାମ ହବ ବୋଲି ଅନୁମାନ କରାଯାଉଥିଲା। ମାତ୍ର ଅନୁମାନଠାରୁ ଏହା ଅଧିକ ୬.୫ କୋଟି ଟଙ୍କାରେ ବିକ୍ରି ହୋଇଛି। ନିଜାମଙ୍କ ୧୭ କ୍ୟାରେଟର ଅର୍କାଟ-୨ ହୀରା ୨୩.୫ କୋଟି ଟଙ୍କାରେ ନିଲାମ ହୋଇଛି। କ୍ରିଷ୍ଟ ନିଲାମ ସଂସ୍ଥା ପକ୍ଷରୁ ଏହି ନିଲାମ ପ୍ରକ୍ରିୟା ସଂଚଳାନ କରାଯାଇଥିଲା। ଏଥିରେ ଭାରତୀୟ କଳାକୃତି ଏବଂ ମୋଗଲ କାଳର ୪୦୦ଟି ବସ୍ତୁ ୭୫୮ କୋଟି ଟଙ୍କାରେ ନିଲାମ ହୋଇଛି। ୧୨ ଘଣ୍ଟା ଧରି ଚାଲିଥିବା ଏହି ନିଲାମରେ ଭାରତ ସମେତ ୪୪ଟି ଦେଶର ଲୋକ ସାମିଲ ହୋଇଥିଲେ। ଏହି ନିଲାମରେ ହାଇଦରାବାଦ ନିଜାମଙ୍କ ପରିବାର, ଜୟପୁର, ଇନ୍ଦୋର, ବଡ଼ୋଦରାର ରାଜ ପରିବାର ଯୋଗ ଦେଇଥିଲେ।
୫୪ କୋଟି ଟଙ୍କାରେ ନିଲାମ ହେଲା ନିଜାମଙ୍କ ହୀରା ମୁଦି
Popular Categories
Previous article
Next article