ଲକ୍ଷ୍ନୌ : ସୁହେଲଦେବ ଭାରତୀୟ ସମାଜ ପାର୍ଟି (ଏସ୍ବିଏସ୍ପି) ରାଷ୍ଟ୍ରୀୟ ଅଧ୍ୟକ୍ଷ ତଥା ଉତ୍ତରପ୍ରଦେଶ ସରକାରରେ କ୍ୟାବିନେଟ ମନ୍ତ୍ରୀ ଓମ ପ୍ରକାଶ ରାଜଭରଙ୍କୁ ସୋମବାର ମନ୍ତ୍ରିମଣ୍ଡଳରୁ ବହିଷ୍କୃତ କରାଯାଇଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଜଭରଙ୍କୁ ବହିଷ୍କୃତ କରିବା ପାଇଁ ରାଜ୍ୟପାଳଙ୍କୁ ସୁପାରିଶ କରିଥିଲେ। ରାଜ୍ୟପାଳଙ୍କ ଅନୁମୋଦନ ମିଳିବା ପରେ ସୋମବାର ଏହି କାର୍ଯ୍ୟାନୁଷ୍ଠାନ ନିଆଯାଇଛି।
ରାଜଭର କହିଛନ୍ତି ଯେ ସେ ଅପ୍ରେଲ ୧୩ରେ ନିଜ ପଦରୁ ଇସ୍ତଫା ଦେଇଥିଲେ । ଏବେ ବହିଷ୍କୃତ କରାଗଲେ ତାଙ୍କୁ କିଛି ଫରକ ପଡେନାହିଁ। ରାଜ୍ୟ ମନ୍ତ୍ରୀ ଅନୀଲ ରାଜଭରଙ୍କୁ ଓମପ୍ରକାଶଙ୍କ ମନ୍ତ୍ରାଳୟର ଦାୟିତ୍ୱ ପ୍ରଦାନ କରାଯାଇଛି।
ଓମ ପ୍ରକାଶ ରାଜଭରଙ୍କ ବ୍ୟତୀତ ୫ଟି ନିଗମରେ ତାଙ୍କ ପାର୍ଟିର ୭ ଅଧ୍ୟକ୍ଷ ଓ ସଦସ୍ୟଙ୍କୁ ପଦମୁକ୍ତ ବା ହଟାଇ ଦିଆଯାଇଛି। ଓମ ପ୍ରକାଶ ରାଜଭରଙ୍କ ପୁଅ ଅରବିନ୍ଦ ରାଜଭରଙ୍କୁ କ୍ଷୁଦ୍ର ଲଘୁ ଏବଂ ମଧ୍ୟମ ଉଦ୍ୟୋଗ ବିଭାଗର ଅଧ୍ୟକ୍ଷ ପଦରୁ ହଟାଇ ଦିଆଯାଇଛି। ସେହିପରି ଉତ୍ତରପ୍ରଦେଶ ବିଜ ବିକାଶ ନିଗମ ଅଧ୍ୟକ୍ଷ ପଦରୁ ରାଣଶ ଅଜିତ ସିଂହ, ରାଷ୍ଟ୍ରୀୟ ଏକୀକରଣ ପରିଷଦରୁ ସୁନୀଲ ଅର୍କବଂଶୀ ଏବଂ ରାଧିକା ପଟେଲ, ପଶୁଧନ ବିକାଶ ପରିଷଦର ସଦସ୍ୟ ପଦରୁ ସୁଦାମା ରାଜଭର, ପଛୁଆ ବର୍ଗ ଆୟୋଗରୁ ଗଂଗାରାମ ରାଜଭର ଏବଂ ବୀରେନ୍ଦ୍ର ରାଜଭରଙ୍କୁ ହଟାଇ ଦିଆଯାଇଛି।
ଯୋଗୀଙ୍କ ମନ୍ତ୍ରିମଣ୍ଡଳରୁ ରାଜଭର ବହିଷ୍କୃତ
Popular Categories
Previous article
Next article