ଶରୀରକୁ ସୁସ୍ଥ ଓ ମନକୁ ପ୍ରଫୁଲ ରଖିବା ପାଇଁ ପ୍ରତିଦିନ ଚାଲିବା ନିତ୍ୟାନ୍ତ ଅବଶ୍ୟକ । କିନ୍ତୁ ଆମେ ବ୍ୟସ୍ତ ବହୁଳ ଜୀବନରେ ଚାଲିବା କିମ୍ବା ବ୍ୟାୟାମ କରିବା ଭୁଲି ଯାଇଥାଉ । ଏନେଇ ଲୋକଙ୍କୁ ସଚେତନ କରିବା ପାଇଁ ବିଭିନ୍ନ କାର୍ଯ୍ୟକ୍ରମ ମଧ୍ୟ ହେଉଛି । ସେହିପରି ସାରା ଦେଶରେ ଏପ୍ରିଲ ମାସର ପ୍ରଥମ ବୁଧବାରକୁ ନ୍ୟାସନାଲ ୱାକିଙ୍ଗ ଡେ ଭାବେମଧ୍ୟ ପାଳନ କରାଯାଉଛି ।
ଚାଲିବାର ଲାଭ
ପ୍ରତିଦିନ ୩୦ ମିନିଟ୍ ଚାଲିବା ଦ୍ବାରା ଶରୀରର ହାଡ ମଜଭୁତ ରହିଥାଏ ।
ଯଦି ଆପଣ ପ୍ରତିଦିନ ଚାଲୁଛନ୍ତି, ତେବେ ଆପଣଙ୍କର ଅତିରିକ୍ତ ଓଜନ ଅତି ସହଜରେ ହ୍ରାସ ହେବ ।
ବ୍ୟସ୍ତ ଜୀବନରେ ଚାଲିବ ଅତ୍ୟନ୍ତ ଆବଶ୍ୟକ । ଏହା ଦ୍ବାରା ଆପଣ ଚିନ୍ତାମୁକ୍ତ ହେବେ ।
ଚାଲିବା ଦ୍ବାରା ମଧୁମେହ, କର୍କଟ ଭଳି ରୋଗ ହେବାର ଆଶଙ୍କା କମ୍ ଥାଏ ।
ଚାଲିବା ଦ୍ବାରା ଶରୀରର ମାଂସପେଶୀ ମଜଭୁତ ହେବା ସହ ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇଥାଏ ।
ପ୍ରତିଦିନ ଚାଲିବା ଦ୍ବାରା ରକ୍ତଚାପ ନିୟନ୍ତ୍ରିତ ରହିଥାଏ ।
ଚାଲିବାକୁ ଯିବା ପୂର୍ବରୁ ଏହି ଦିଗ ପ୍ରତି ଧ୍ୟାନ ଦିଅନ୍ତୁ
ଚାଲିବାକୁ ଯିବା ପୂର୍ବରୁ ଶୌଚ ସାରି ଯାଆନ୍ତୁ ।
ଋତୁ ଅନୁଯାୟୀ ପୋଷାକ ପରିଧାନ କରନ୍ତୁ । ନହେଲେ ଆପଣ ରୋଗରେ ପଡି ପାରନ୍ତି ।
ଚାଲିବା ସମୟରେ ଯଦି ଆପଣ କୌଣସି କଷ୍ଟ ଅନୁଭବ କରୁଛନ୍ତି, ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।
