ନୂଆଦିଲ୍ଲୀ: ଆଜି (ମାର୍ଚ୍ଚ ୧୫) ସାରା ବିଶ୍ୱରେ ବିଶ୍ୱ ଖାଉଟି ଦିବସ ପାଳନ କରାଯାଇଛି। ୨୦୧୯ ବର୍ଷ ବିଶ୍ୱ ଖାଉଟି ଅଧିକାର ଦିବସର ବାର୍ତ୍ତା ରହିଛି, ବିଶ୍ୱସନୀୟ ସ୍ମାର୍ଟ ଦ୍ରବ୍ୟର ବ୍ୟବହାର। ଖାଉଟି ସୁରକ୍ଷା ତତ୍ତ୍ୱ ସୃଷ୍ଟି ଆମେରିକାରେ ପ୍ରଥମେ ହୋଇଥିଲା। ୧୯୬୦ ଦଶକରେ ସେଠାକାର ବ୍ୟବସାୟୀ ସଂସ୍ଥା ସମୂହର ଅସାଧୁ ବ୍ୟବସାୟୀ କାରବାରରେ ଅସନ୍ତୁଷ୍ଟ ଜଣେ ଯୁବ ଆଇନଜୀବୀ ରାଲଫ୍ ନାଡେର୍ ଏହା ବିରୋଧରେ ସ୍ୱରଉତ୍ତୋଳନ କରିବା ସହ ଆନ୍ଦୋଳନ ଗଢ଼ିତୋଳିଥିଲେ। ସେ ଖାଉଟିମାନଙ୍କୁ ଏକତ୍ର କରି ସେମାନଙ୍କ ସୁରକ୍ଷା ଦାବିରେ ଉତ୍ପାଦକ ଓ ବ୍ୟବସାୟୀଙ୍କ ବିରୋଧରେ ଆନ୍ଦୋଳନକୁ ବ୍ୟାପକ କରିଥିଲେ। ଫଳସ୍ୱରୂପ ୧୫ମାର୍ଚ୍ଚ ୧୯୬୨ରେ ଯୁକ୍ତରାଷ୍ଟ୍ର ଆମେରିକାର ତତ୍କାଳୀନ ରାଷ୍ଟ୍ରପତି ଜନ କେନେଡୀ ପାର୍ଲାମେଣ୍ଟ୍ରେ ଖାଉଟି ଅଧିକାର ସଂପର୍କରେ ଗୁରୁତ୍ୱପୂର୍ଣ୍ଣ ଘୋଷଣାନାମା କରିଥିଲେ। ସମ୍ପ୍ରତି କଞ୍ଜୁମର୍ ଇଣ୍ଟରନ୍ୟାସନାଲ୍ ଆନୁକୂଲ୍ୟରେ ସାରା ବିଶ୍ୱରେ ଏହି ଦିବସ ପାଳନ କରାଯାଉଛି। ଏହି ଅବସରରେ ବିଭିନ୍ନ ସ୍ଥାନରେ ସଚେତନତାମୂଳକ କାର୍ଯ୍ୟକ୍ରମ ଅନୁଷ୍ଠିତ ହେଉଛି।
Popular Categories
Previous article
Next article