ଚଣ୍ଡିଗଡ଼ : କଂଗ୍ରେସ ସହ ମେଣ୍ଟ କରିବାକୁ ପ୍ରଚେଷ୍ଟା ଚଳାଇଥିବା ଆମ ଆଦମୀ ପାର୍ଟି (ଆପ)କୁ ପଞ୍ଜାବରେ ଝଟକା ଲାଗିଛି। ପଞ୍ଜାବ ମୁଖ୍ୟମନ୍ତ୍ରୀ କ୍ୟାପ୍ଟେନ ଅମରିନ୍ଦର ସିଂହ କହିଛନ୍ତି ଯେ ପଞ୍ଜାବରେ କଂଗ୍ରେସ ଏକାକୀ ଲୋକସଭା ନିର୍ବାଚନ ଲଢିବ। କଂଗ୍ରେସ ଆପ କିମ୍ବା ଅନ୍ୟ କୌଣସି ଦଳ ସହ ମେଣ୍ଟ କରିବ ନାହିଁ। ଏହା ପୂର୍ବରୁ ଆପର ରାଷ୍ଟ୍ରୀୟ ଆବାହକ ଅରବିନ୍ଦ କେଜରିୱାଲ କହିଥିଲେ ଯେ ଦଳ ପଞ୍ଜାବରେ ମେଣ୍ଟ ପାଇଁ କଂଗ୍ରେସ ସହ ଆଲୋଚନା କରୁଛି। କ୍ୟାପ୍ଟେନ ଅମରିନ୍ଦର ଆପ ସହ ମେଣ୍ଟର ପ୍ରଶ୍ନ ଉଠୁନାହିଁ ବୋଲି କହିଛନ୍ତି। ଏହାସହ ପୂର୍ବତନ ପ୍ରଧାନମନ୍ତ୍ରୀ ମହନମୋହନ ସିଂହ ଯାଦବ ଅମୃତସରରୁ ନିର୍ବାଚନ ଲଢିବା ନେଇ ଚାଲିଥିବା କଳ୍ପନାଜଳ୍ପନାର ସେ ଅନ୍ତ କରିଛନ୍ତି। ଅମରିନ୍ଦର କହିଛନ୍ତି ଯେ ମନମୋହନ ସିଂହ ଅମୃତସରରୁ ପ୍ରାର୍ଥୀ ନଥିଲେ ଓ ସେ ନିର୍ବାଚନ ଲଢିବେ ନାହିଁ ବୋଲି ଘୋଷଣା କରିସାରିଛନ୍ତି। ତେଣୁ ଏଭଳି କଳ୍ପନାଜଳ୍ପନାର କୌଣସି ଭିତ୍ତି ନାହିଁ।
ପ୍ରକାଶଯୋଗ୍ୟ ଯେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ ନେତା ଅରବିନ୍ଦ କେଜରିୱାଲ ମଙ୍ଗଳବାର ଦିଲ୍ଲୀଠାରେ ସାମ୍ବାଦିକ ସମ୍ମିଳନୀରେ କହିଥିଲେ ଯେ ଦିଲ୍ଲୀରେ କଂଗ୍ରେସ-ଆପ ମେଣ୍ଟ ବିଜୟଲାଭ କରିବ। ଏହାସହ କେଜରିୱାଲ ପଞ୍ଜାବରେ କଂଗ୍ରେସ ସହ ମେଣ୍ଟ ପାଇଁ ଆଲୋଚନା ଚାଲିଛି ବୋଲି ପ୍ରକାଶ କରିଥିଲେ। ପଞ୍ଜାବରେ ଲୋକସଭାର ୧୩ଟି ଆସନ ରହିଛି। ୨୦୧୪ ଲୋକସଭା ନିର୍ବାଚନରେ ଆପ ୪, କଂଗ୍ରେସ ୩, ଅକାଳୀ ଦଳ ୪ ଓ ବିଜେପି ଗୋଟିଏ ଆସନ ଜିତିଥିଲେ।
ପଞ୍ଜାବରେ ଆପ ସହ ମେଣ୍ଟ କରିବାକୁ ମନାକଲା କଂଗ୍ରେସ
Popular Categories
Previous article
Next article