ନୂଆଦିଲ୍ଲୀ : ମଙ୍ଗଳବାର ପୁଣି ଥରେ ରାଜସ୍ଥାନର ସୀମାନ୍ତ ଶ୍ରୀଗଙ୍ଗାନଗର ସେକ୍ଟରରେ ଏକ ସନ୍ଦିଗ୍ଧ ଡ୍ରୋନ ଉଡୁଥିବା ଦେଖିବାକୁ ମିଳିଛି । ଡ୍ରୋନଟି ଉଡୁଥିବା ବେଳେ ଗୁଳିବିନିମୟର ଶବ୍ଦ ଶୁଣିବାକୁ ମିଳିଥିଲା। ଏହାକୁ ନେଇ ସ୍ଥାନୀୟ ଲୋକେ ଭୟଭୀତ ଥିବା ଜଣାପଡିଛି । ପୁଲିସ ସୂଚନା ଅନୁଯାୟୀ, ଶ୍ରୀଗଙ୍ଗାନଗର ଜିଲ୍ଲାର ହିନ୍ଦୁମଲକୋଟ ଥାନା କ୍ଷେତ୍ରରେ ଗଙ୍ଗ କୈନାଲର ବାଇଫିରକେଶନ ମୁଖ୍ୟାଳୟ ନିକଟରେ ସକାଳ ୬ଟାରେ ଧମାକା ଏବଂ ଗୁଳିବିନିମୟର ଶବ୍ଦ ଶୁଣାଯାଇଥିଲା ।
ସୂଚନାଯୋଗ୍ୟ, ଏହା ପୂର୍ବରୁ ଗତ ଶନିବାର ରାଜସ୍ଥାନ ସୀମା ନିକଟରେ ଏକ ପାକିସ୍ତାନୀ ଡ୍ରୋନ ଭାରତ ସୀମାରେ ପ୍ରବେଶ କରିବାକୁ ଉଦ୍ୟମ କରୁଥିବା ବେଳେ ସେଠାରେ ନିୟୋଜିତ ଥିବା ସୁରକ୍ଷାକର୍ମୀ ତାହାକୁ ଗୁଳି ମାରି ଖସାଇବାକୁ ଚେଷ୍ଟା କରିଥିଲେ । କିନ୍ତୁ ଡ୍ରୋନଟି ଖସି ପଳାଇବାରେ ସଫଳ ହୋଇଥିଲା । ଏହା ସହ ଦୁଇ ଦିନ ପୂର୍ବରୁ ସୀମାରେ ମଧ୍ୟ ଗୁଳି ବିନିମୟ ଶବ୍ଦ ଏବଂ ଧମାକା ହେବାର ଶବ୍ଦ ଶୁଣିବାକୁ ମିଳିଥିଲା । ଏହି ସନ୍ଦିଗ୍ଧ ଡ୍ରୋନକୁ ମାରି ଖସାଇ ଦିଆଯାଇଥିଲା । ଏପର୍ଯ୍ୟନ୍ତ ଶ୍ରୀଗଙ୍ଗାନଗର ଜିଲ୍ଲା ସମେତ ଆଖପାଖ ଅଞ୍ଚଳରେ ୫ଟି ଡ୍ରୋନକୁ ମାରି ନଷ୍ଟ କରାଯାଇଛି ।
