ଟିଟିଲାଗଡ଼ : ହ୍ୟୁମାନ୍ ସାଗରଙ୍କ ମୃତ୍ୟୁର ତଦନ୍ତ ନେଇ ପ୍ରତିକ୍ରିୟା ରଖିଛନ୍ତି ଅଭିନେତା ଅନୁଭବ ମହାନ୍ତି। ଆଜି ଟିଟଲାଗଡ ଯାଇ ଅନୁଭବ ହ୍ୟୁମାନ୍ ସାଗରଙ୍କ ମାଆଙ୍କୁ ଭେଟିଛନ୍ତି। ପରିବାରକୁ ସାନ୍ତ୍ଵନା ଦେବା ସହ ଗଭୀର ଶୋକ ପ୍ରକାଶ କରିଛନ୍ତି। ସେ କହିଛନ୍ତି ହ୍ୟୁମାନଙ୍କ ବିନା ସିନେ ଜଗତକୁ କଳ୍ପନା କରାଯାଇନପାରେ। ମୃତ୍ୟୁର ତଦନ୍ତ ହେବା ସହ କାର୍ଯ୍ୟାନୁଷ୍ଠାନ ହେବା ଉଚିତ୍।
ଏ ନେଇ ମୁଖ୍ୟମନ୍ତ୍ରୀଙ୍କୁ ମଧ୍ୟ ଲିଖିତ ଅନୁରୋଧ କରିସାରିଛି। ତଦନ୍ତ ବର୍ତ୍ତମାନ୍ ପର୍ଯ୍ୟନ୍ତ କିଛି ଆଗେଇନି । ମୃତ୍ୟୁ ପଛରେ ଯେଉଁ ମାନଙ୍କର ହାତ ରହିଛି , ସେମାନେ ଦଣ୍ଡିତ ହୁଅନ୍ତୁ। ହ୍ୟୁମାନ ସାଗରଙ୍କ ମୃତ୍ୟୁ ଓଡିଶା ପାଇଁ କ୍ଷତି ହୋଇଛି କହିଲେ ଅନୁଭବ । ପରେ କବର ସ୍ଥଳକୁ ଯାଇ ହ୍ୟୁମାନ ସାଗରଙ୍କ କବରରେ ଶ୍ରଦ୍ଧାଞ୍ଜଳି ଦେଇଛନ୍ତି ।
