ସମାଜ ଡିଜିଟାଲ ଡେସ୍କ: ପୁଲିସ୍ ସବ୍ ଇନ୍ସପେକ୍ଟର ପରୀକ୍ଷା ଅନିୟମିତତା ଧରାପଡିବା ପରେ ତଦନ୍ତକୁ ନେଇ ପ୍ରଶ୍ନ ଉଠାଇଛି ବିଜେଡି। ଦଲାଲଙ୍କୁ ଧରୁଛ, ହେଲେ ମାଷ୍ଟରମାଇଣ୍ଡ କୁଆଡେ ଗଲା ବୋଲି ପ୍ରଶ୍ନ କରି ସରକାରଙ୍କୁ ଘେରିଛି ବିଜେଡି । ଘଟଣାର ତଦନ୍ତ ତୁରନ୍ତ ସିବିଆଇକୁ ଦିଆଯାଉ ବୋଲି ବିଜେଡି ଦାବି କରିଛି । ଏହି ଘଟଣାରେ ମାଷ୍ଟର ମାଇଣ୍ଡକୁ କେଉଁମାନେ ଚଳାଉଥିଲେ ତାହାକୁ ଧରାଯାଉ ।
- Advertisement -
ଭୁବନେଶ୍ୱରର ମାଷ୍ଟରକ୍ୟାଣ୍ଟିନ ଛକରେ ଶତାଧିକ ବିଜେଡି କର୍ମୀ ଏକତ୍ର ହୋଇ ଲୋୟର ପିଏମଜି ଅଭିମୁଖେ ରାଲି କରୁଛନ୍ତି । ପ୍ରତିରଞ୍ଜନ ଘଢେଇଙ୍କ ନେତୃତ୍ୱରେ ବିଜୁ ଯୁବ ଓ ଛାତ୍ର କର୍ମକତ୍ତାମାନେ ମାଷ୍ଟରକ୍ୟାଣ୍ଟିନ ଛକରେ ଜୋରଦାର ପ୍ରତିବାଦ ସହ ବିକ୍ଷୋଭ କରିଛନ୍ତି । ଶତାଧିକ ବିଜେଡି କର୍ମୀ ଏକାଠି ହୋଇ ପ୍ରତିବାଦ କରିବା ବେଳେ ପୁଲିସ ସେମାନଙ୍କୁ ଅଟକାଇବାକୁ ପ୍ରୟାସ କରିଛି ।
