ସମାଜ ଡିଜିଟାଲ ଡେସ୍କ: ୨୧ ମହଲା କୋଠାରୁ ଡେଇଁ ଆତ୍ମହତ୍ୟା କରିଛନ୍ତି ଜଣେ ଡାକ୍ତର। ଉତ୍ତରପ୍ରଦେଶର ଗ୍ରେଟର ନୋଏଡା ଅଞ୍ଚଳରେ ସୋମବାର ଏଭଳି ଅଭାବନୀୟ ଘଟଣା ଘଟିଛି। ମୃତକ ହେଲେ ଜଣେ ଟ୍ରେନି ଡାକ୍ତର ଏବଂ ତାଙ୍କ ନାମ ହେଉଛି ଶିବା(୨୯)। ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହିତ ଆତ୍ମହତ୍ୟାର କାରଣ ଖୋଜୁଛି।
ପୁଲିସ ସୂଚନା ଅନୁସାରେ, ମୃତକ ଶିବା ମଥୁରା ଅଞ୍ଚଳର। ସେ ନିଜ ମା’ବାପାଙ୍କ ସହିତ ନିଜ ଭଉଣୀ ଘରକୁ ଆସିଥିଲେ। ସୋମବାର ଅପରାହ୍ନରେ ସେ ଅଚାନକ ଫ୍ଲାଟରୁ ବାହାରି ବାଲକୋନୀରୁ ତଳକୁ ଡେଇଁ ପଡ଼ିଥିଲେ। ପରିବାର ଲୋକଙ୍କ ସୂଚନା ଅନୁସାରେ, ଶିବା ୨୦୧୫ ବ୍ୟାଚର ଛାତ୍ର ଥିଲେ। ସେ ଦିଲ୍ଲୀର ଏକ ଘରୋଇ କଲେଜରୁ ଏମବିବିଏସ କରିଥିଲେ। ୨୦୨୦ରେ କରୋନା ସମୟରେ ସେ କୌଣସି ମାନସିକ ରୋଗରେ ଆକ୍ରାନ୍ତ ହୋଇଥିଲେ। ଏହି କାରଣରୁ ସେ ବହୁ ଅବସାଦ ଭିତରେ ରହୁଥିଲେ।
