ନୂଆଦିଲ୍ଲୀ : ଚୀନର ସ୍ମାର୍ଟଫୋନ କମ୍ପାନୀ ଜିଓମି ଭାରତରେ ତାର ଦୁଇଟି ନୂଆ ସ୍ମାର୍ଟଫୋନ ରେଡମି ନୋଟ-୭ ଏବଂ ରେଡମି ନୋଟ-୭ପ୍ରୋ ଲଞ୍ଚ କରିଥିଲା। ଉଭୟ ଫୋନକୁ ଗୁରୁବାର ନୂଆଦିଲ୍ଲୀରେ ଆୟୋଜିତ ଏକ କାର୍ଯ୍ୟକ୍ରମରେ ଲଞ୍ଚ କରାଯାଇଥିଲା। ଏହାସହିତ ଜିଓମି ତରଫରୁ ୩୨ଇଞ୍ଚର ସ୍ମାର୍ଟ ଟିଭି ୪ଏ ପ୍ରୋକୁ ଲଞ୍ଚ କରାଯାଇଛି ଏବଂ ଏମଆଇ ସପୋର୍ଟ ବ୍ଲୁଟୁଥ ଇଅରଫୋନ ବେସିକ୍ ଲଞ୍ଚ କରାଯାଇଛି। ଏମଆଇ ଟିଭି-୪ଏ ପ୍ରୋ ୩୨ର ବିକ୍ରି ଅନଲାଇନ ଷ୍ଟୋର ଫ୍ଲିପକାର୍ଟ, ଏମଆଇ ଷ୍ଟୋର, ଏମଆଇ ଡଟ କମରେ ପରବର୍ତ୍ତି ସପ୍ତାହରୁ ଆରମ୍ଭ ହେବ।
ଏମଆଇ ଟିଭି-୪ଏ ପ୍ରୋର ମୂଲ୍ୟ ଏବଂ ବିଶେଷତ୍ୱ
ଭାରତୀୟ ବଜାରରେ ଏହାର ମୂଲ୍ୟ ୧୨ହଜାର ୯୯୯ଟଙ୍କା। ଏହାର ବିକ୍ରି ମାର୍ଚ୍ଚ ୭ରୁ ହେବ। ଏଥିରେ ୩୨ଇଞ୍ଚର ଏଚଡି ଡିସପ୍ଲେ ରହିଛି। ଯାହାର ରିଜୋଲ୍ୟୁସନ୍ ୧୩୬୬/୭୬୮ପିକ୍ସଲ। ଏହାବ୍ୟତୀତ ଏଥିରେ ୨୦-୨୦ୱାଟର ଦୁଇଟି ସ୍ପିକର ରହିଛି।
ଏଥିରେ ପ୍ୟାଚୱାଲ ୟୁଆଇ ଦିଆଯାଇଛି। ଯାହାସହିତ ଆଣ୍ଡ୍ରଏଡ ଓରିୟୋ ୮.୧ର ସପୋର୍ଟ ରହିଛି। ଟିଭିରେ କ୍ୱାଡାକୋର ଏମୋଲୋଜିକ କର୍ଟେକ୍ସ-ଏ୫୩ପ୍ରୋସେସର, ଗ୍ରାଫିକ୍ସ ପାଇଁ ମାଲି-୪୫୦ ଏସପି-୩ ଜିପିୟୁ ଏବଂ ୧ଜିବି ରାମ ସହିତ ୮ଜିବିର ଷ୍ଟୋରେଜ ଦିଆଯାଇଛି। ଏହି ଟିଭିର ଓଜନ ୪କିଲୋଗ୍ରାମ।
ଟିଭି ସହିତ କ୍ରାମକାଷ୍ଟର ମଧ୍ୟ ସପୋର୍ଟ ମିଳିବ। ଏଥିରେ ଗୁଗୁଲ ଆସିଷ୍ଟାଣ୍ଟ ଏବଂ ବ୍ଲୁ-ଟୁଥର ସପୋର୍ଟ ଦିଆଯାଇଛି। ସଂଯୋଗ ପାଇଁ ଏଥିରେ ୟୁଏସବି ୨.୦ପୋର୍ଟ, ୩-ଏଚଡିଏମଆଇ ପୋର୍ଟ, ଏବି କମ୍ପୋନେଣ୍ଟ, ଇଅରଫୋନ ଜ୍ୟାକ ଏବଂ ୱାଇ-ଫାଇର ସପୋର୍ଟ ଦିଆଯାଇଛି।