ଭୁବନେଶ୍ଵର : ୧୩ ଲକ୍ଷ ଟଙ୍କା ଆତ୍ମସାତ୍ ଅଭିଯୋଗରେ ସମବାୟ ସମିତିର ପୂର୍ବତନ ସମ୍ପାଦକ ସୁଦର୍ଶନ ଖଟୁଆ ଗିରଫ ହୋଇଛନ୍ତି। ସୂଚନା ଅନୁସାରେ ମଙ୍ଗଳବାର ଭଦ୍ରକ ଜିଲ୍ଲା ତିହିଡି ଅଞ୍ଚଳର ବାମନବିନ୍ଧା ସର୍ଭିସ୍ ସମବାୟ ସମିତିର ପୂର୍ବତନ ସମ୍ପାଦକ ସୁଦର୍ଶନ ଖଟୁଆଙ୍କୁ ଭିଜିଲାନ୍ସ ବିଭାଗ ୧୩ ଲକ୍ଷ ୩୨ ହଜାର ୨୬୦ ଟଙ୍କା ଆତ୍ମସାତ୍ ଅଭିଯୋଗରେ ଗିରଫ କରିଛି।
ସୁଦର୍ଶନ ବିଭିନ୍ନ ଖାତାରେ ରେକର୍ଡ ପରିବର୍ତ୍ତନ କରି ଅର୍ଥ ଆତ୍ମସାତ୍ କରିଥିବା ଅଭିଯୋଗ ହୋଇଛି। ବିନା ଅନୁମତିରେ ସଦସ୍ୟ ମାନଙ୍କ ସଞ୍ଚୟ ଖାତାରୁ ଟଙ୍କା ଉଠାଇବା, ଦୈନିକ ଖାତାରେ ଜମା ରାଶି କମ୍ ଦେଖାଇବା , ମଣ୍ଡି ଶ୍ରମିକଙ୍କ ଖର୍ଚ୍ଚକୁ ସରକାରୀ ନିୟମ ଠାରୁ ଅଧିକ ଦରରେ ଦେଖାଇବା ଭଳି ଅଭିଯୋଗ ରହିଥିଲା। ମଙ୍ଗଳବାର ଭିଜିଲାନ୍ସ ବିଭାଗ ତାଙ୍କୁ ଗିରଫ କରିଛି।
