ଖୋର୍ଦ୍ଧା:ଖୋର୍ଦ୍ଧା ନିକଟସ୍ଥ ପୁଲିସ ରିଜର୍ଭ ପଡ଼ିଆରେ ଗୃହରକ୍ଷୀ(ହୋମ୍ ଗାର୍ଡ) ନିଯୁକ୍ତି ନିମନ୍ତେ ଶାରୀରିକ ପରୀକ୍ଷା ବେଳେ ଦୁଃଖଦ ଘଟଣା ଘଟିଛି। ଜଣେ ପରୀକ୍ଷାର୍ଥୀ ଦୌଡୁଥିବା ବେଳେ ଟଳି ପଡ଼ିଥିଲେ। ତାଙ୍କୁ ତୁରନ୍ତ ଖୋର୍ଦ୍ଧା ସଦର ମହକୁମାସ୍ଥିତ ଜିଲା ଗୋପବନ୍ଧୁ ଚିକିତ୍ସାଳୟକୁ ନିଆଯାଇଥିଲା। ପରେ ତାଙ୍କୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ମୃତକ ହେଲେ ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ କେରଙ୍ଗ ଗ୍ରାମର ଅମାଦୁଲା ହକ ଖାଁ।
ଚାକିରି କରିବା ଆଶାରେ ପରୀକ୍ଷା ଦେବାକୁ ଆସି ଯୁବକ ଜଣଙ୍କ ଶବ ହୋଇ ଫେରିଲେ। ପୁଲିସ ମୃତଦେହ ଜବତ କରି କ୍ୟାପିଟାଲ ହସ୍ପିଟାଲ ବ୍ୟବଚ୍ଛେଦ ପାଇଁ ପଠାଇଥିଲା। ବ୍ୟବଚ୍ଛେଦ ପରେ ମୃତଦେହ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ଅମାଦୁଲା ପରିବାରର ଏକ ମାତ୍ର ରୋଜଗାରିଆ ପୁଅ। ତାଙ୍କର ପତ୍ନୀ ସମେତ ୯ବର୍ଷର ଏକ ଶିଶୁ ପୁତ୍ର ଏବଂ ୩ବର୍ଷର ଏକ ଶିଶୁ କନ୍ୟା ଅଛନ୍ତି। ତାଙ୍କ ପରିବାରକୁ ସହାୟତା ପ୍ରଦାନ କରିବାକୁ କେରଙ୍ଗ ପଞ୍ଚାୟତ ସରପଞ୍ଚ, ବନ୍ଧୁ ଏବଂ ଗ୍ରାମବାସୀ ଏସ୍ପିଙ୍କୁ ଭେଟି ନିବେଦନ କରିଥିଲେ। ମୃତ ଯୁବକଙ୍କୁ ବଞ୍ଚାଇବା ପାଇଁ ସମସ୍ତ ଚେଷ୍ଟା କରାଯାଇଥିଲା। ଶାରୀରିକ ପରୀକ୍ଷା ବେଳେ ଡାକ୍ତର ଟିମ୍ ସହିତ ଆମ୍ବୁଲାନ୍ସ ଥିଲା ବୋଲି ଏସ୍ପି କହିଛନ୍ତି।
ଗୃହରକ୍ଷୀ ପରୀକ୍ଷା ଦେବାକୁ ଯାଇ ଶବ ହୋଇ ଫେରିଲେ
Popular Categories
Previous article
Next article