ନୂଆଦିଲ୍ଲୀ: ଦୀର୍ଘ ୧୨୭ ବର୍ଷ ପରେ ଗୌତମ ବୁଦ୍ଧଙ୍କ ଦେହାବଶେଷ ଭାରତକୁ ଫେରିଥିବା ଜଣାପଡିଛି। ୧୮୯୮ ମସିହାରେ ଉତ୍ତର ପ୍ରଦେଶର ପିପ୍ରାହ୍ବାରୁ ବୁଦ୍ଧଙ୍କ ଦେହାବଶେଷ ସମେତ ସ୍ବର୍ଣ୍ଣ ନିର୍ମିତ ଅଳଙ୍କାର ଉଦ୍ଧାର କରାଯାଇଥିଲା। ତେବେ ତତ୍କାଳୀନ ବ୍ରିଟିଶ ସରକାର ସେତେବେଳେ ଏହାକୁ ଲଣ୍ଡନ ନେଇଯାଇଥିଲେ। ଏହି ଦେହାବଶେଷ ହଂକଂରେ ନିଲାମ ହେବାକୁ ଯାଉଥିବାବେେଳ ଭାରତ ସରକାର କୂଟନୈତିକ ପ୍ରକ୍ରିୟାରେ ଏଗୁଡିକୁ ଫେରାଇ ଆଣିବାରେ ସଫଳ ହୋଇଛନ୍ତି। ଭାରତର ବିଦେଶ ମନ୍ତ୍ରଣାଳୟ ଏବଂ ହଂକଂସ୍ଥିତ ଭାରତୀୟ ଦୂତାବାସ ଏହି ଅଭିଯାନରେ ଗୁରୁତ୍ବପୂର୍ଣ୍ଣ ଭୂମିକା ତୁଲାଇଛନ୍ତି। ବର୍ତ୍ତମାନ ବୁଦ୍ଧଙ୍କ ଦେହାବଶେଷ ଓ ଅଳଙ୍କାରଗୁଡିକୁ ସର୍ବସାଧାରଣଙ୍କ ଦର୍ଶନାଥେ ନୂଆଦିଲ୍ଲୀସ୍ଥ ଜାତୀୟ ସଂଗ୍ରହାଳୟରେ ରଖାଯାଇଛି। ସୂଚନାଯୋଗ୍ୟ ୧୮୯୮ରେ ବ୍ରିଟିଶ ଇଞ୍ଜିନିୟର ୱିଲିୟମ କ୍ଲାକ୍ସଟନ ଭାରତ-ନେପାଳ ସୀମାନ୍ତବର୍ତ୍ତୀ ପ୍ରିପାହ୍ବାସ୍ଥିତ ବୌଦ୍ଧସ୍ତୂପରେ ଖନନ କରି ଏଗୁଡିକୁ ଉଦ୍ଧାର କରିଥିଲେ। ଏଥିମଧ୍ୟରେ କେତେକ ସାମଗ୍ରୀ ନେପାଳର ଶାକ୍ୟ ବଂଶର ବୋଲି ଜଣାପଡିଛି।
Popular Categories
Previous article
Next article