ନୂଆଦିଲ୍ଲୀ : କାଇନାଟିକ୍ ଗ୍ରୀନ୍ ଭାରତୀୟ ବଜାରକୁ ପୁଣି ଫେରିଛି । କମ୍ପାନୀ ନିଜ ନୂଆ କାଇନାଟିକ୍ ଡିଏକ୍ସ ଇଲେକ୍ଟ୍ରିକ୍ ସ୍କୁଟର ଲଞ୍ଚ୍ କରିଛି । ଏହି ସ୍କୁଟର ୨ଟି ଭାରିଆଣ୍ଟ ଡିଏକ୍ସ ଓ ଡିଏକ୍ସ ପ୍ଲସରେ ଲଞ୍ଚ୍ ହୋଇଛି । ସେପ୍ଟେମ୍ବର ମାସରୁ ଏହାର ଡେଲିଭରୀ ଆରମ୍ଭ ହେବ । ଭାରତୀୟ ବଜାରରେ କାଇନାଟିକ୍ ଡିଏକ୍ସର ପ୍ରାରମ୍ଭିକ ଏକ୍ସ ଶୋରୁମ୍ ଦାମ୍ ୧,୧୧,୪୯୯ ଟଙ୍କା ଏବଂ ଡିଏକ୍ସପ୍ଲସର ଦାମ୍ ୧,୧୭,୪୯୯ ଟଙ୍କା ରଖାଯାଇଛି । କହିରଖୁଛୁ ପୂର୍ବର ବର୍ଷ ମାତ୍ର ୩୫ ହଜାର ୟୁନିଟ୍ସ ବିକ୍ରି ହୋଇଥିଲା ।
କାଇନାଟିକ୍ ଡିଏକ୍ସର ଡିଜାଇନକୁ କ୍ଲାସିକ୍ ଓ ଆଧୁନିକ ଉଭୟ ଭାବେ ପ୍ରସ୍ତୁତ କରିଛି କମ୍ପାନୀ । ଏହା ୯୦ କମି ପ୍ରତି ଘଣ୍ଟା ସ୍ପିଡରେ ଯାତ୍ରା କରିପାରିବ । ଏହା ଫୁଲ ଚାର୍ଜରେ ୧୧୬ କିଲୋମିଟର ଯାତ୍ରା କରିପାରିବ । ତେବେ ଡିଏକ୍ସପ୍ଲସ ୧୫୦ କିଲୋମିଟର ପର୍ଯ୍ୟନ୍ତ ଯାତ୍ରା କରିପାରିବ । ଏଥିରେ ୮.୮ ଇଞ୍ଚର ଡିଜିଟାଲ କ୍ଲଷ୍ଟର, ବ୍ଲୁଟୁଥ୍, ମ୍ୟୁଜିକ୍ ପ୍ଲେୟର, ଭଏସ୍ ନେଭିଗେସନ ଓ କାଇନାଟିକ୍ ଆସିଷ୍ଟ ସ୍ବିଚ୍ ଭଳି ଫିଚର୍ ଦିଆଯାଇଛି । ବଜାରରେ ଟିଭିଏସ୍ ଆଇକ୍ୟୁବ୍, ବଜାଜ ଚେତକ, ହିରୋ ଭିଡା ଭି୧ ଭଳି ଗାଡି ସହ ଏହାର ମୁକାବିଲା ହେବ ।
