ନାଗପୁର: କେରଳର କୋଚିରୁ ଦିଲ୍ଲୀ ଆସୁଥିବା ଇଣ୍ଡିଗୋ ବିମାନକୁ ନାଗପୁରରେ ଜରୁରୀକାଳୀନ ଅବତରଣ କରିବାକୁ ପଡ଼ିଛି। ବିମାନରେ ବୋମା ଥିବା ଧମକ ମିଳିବା ପରେ ସତର୍କତା ସ୍ୱରୂପ ଏହି ପଦକ୍ଷେପ ଗ୍ରହଣ କରାଯାଇଛି। ବିମାନଟି ସୁରକ୍ଷିତ ଭାବରେ ଅବତରଣ କରିଛି। ଯାତ୍ରୀମାନଙ୍କୁ ବିମାନରୁ ଓହ୍ଲାଇ ଦିଆଯାଇଛି ଏବଂ ଯାଞ୍ଚ କରାଯାଉଛି। ବର୍ତ୍ତମାନସୁଦ୍ଧା ବିମାନରେ କୌଣସି ସନ୍ଦେହଜନକ ସାମଗ୍ରୀ ମିଳିନାହିଁ।
ସୂଚନା ଅନୁଯାୟୀ, ବିମାନ ୬ଇ-୨୭୦୬ କୋଚିରୁ ସକାଳ ୯.୧୧ରେ ଦିଲ୍ଲୀ ଅଭିମୁଖେ ଯାତ୍ରା କରିଥିଲା। ଦିଲ୍ଲୀରେ ଏହାର ଅବତରଣ ସମୟ ଥିଲା ମଧ୍ୟାହ୍ନ ୧୨.୩୫। ଇତି ମଧ୍ୟରେ ଦୁଇ ଘଣ୍ଟା ୪୩ ମିନିଟ୍ ପର୍ଯ୍ୟନ୍ତ ଆକାଶରେ ରହିବା ପରେ ବିମାନଟି ସକାଳ ୧୧.୫୪ରେ ନାଗପୁରରେ ଜରୁରୀ ଅବତରଣ କରିଥିଲା।
