ଆଜି ଯିବେ କେନ୍ଦ୍ରୀୟ ଡାକ୍ତରୀ ଦଳ

ଭୁବନେଶ୍ବର : ପ୍ରଭାବିତ ଅଞ୍ଚଳକୁ ସ୍ବାସ୍ଥ୍ୟ ବିଭାଗ ପକ୍ଷରୁ ସ୍ବତନ୍ତ୍ର ଡାକ୍ତରୀ ଦଳ ପଠାଯାଇଛି। ସ୍ୱାସ୍ଥ୍ୟ ବିଶେଷଜ୍ଞ ଦଳ ଗାଁରେ ପହଞ୍ଚି ଜଳ ଓ ଝାଡ଼ା ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଇଛନ୍ତି। ୩ଟି ଡାକ୍ତରୀ ଦଳ ଜିଲାର ବିଭିନ୍ନ ହସ୍ପିଟାଲ ଓ ପ୍ରଭାବିତ ଅଞ୍ଚଳର ସ୍ଥିତି ଅନୁଧ୍ୟାନ କରୁଛନ୍ତି। ଅନ୍ୟପକ୍ଷରେ ଗତକାଲି କେନ୍ଦ୍ରୀୟ ଡାକ୍ତରୀ ଦଳ ଆସିଥିବାବେଳେ ଆଜି ପ୍ରଭାବିତ ଅଞ୍ଚଳ ଯାଇ ସ୍ଥିତି ତଦାରଖ କରିବେ ବୋଲି ଜଣାପଡ଼ିଛି।
ଜନସ୍ବାସ୍ଥ୍ୟ ନିର୍ଦେଶକ ଡା. ନୀଳକଣ୍ଠ ମିଶ୍ର କହିଛନ୍ତି, ଯାଜପୁର ଝାଡ଼ାବାନ୍ତି ପିଇବା ପାଣିରୁ ଆଶଙ୍କା କରାଯାଉଛି। ପରୀକ୍ଷା ନିମନ୍ତେ ନମୁନା ପଠାଯାଇଛି। ସେଠାରୁ ବିବରଣୀ ଆସିବା ପରେ ସ୍ପଷ୍ଟ ହେବ। ଏହାର ସମସ୍ତ ବିବରଣୀ ସ୍ୱାସ୍ଥ୍ୟ ବିଭାଗକୁ ପଠାଯାଇଛି। ଏପର୍ଯ୍ୟନ୍ତ ୫ ଜଣଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଥିବାବେଳେ ୨୪୫ ଚିକିତ୍ସାଧୀନ ଅଛନ୍ତି। ବର୍ତ୍ତମାନ ସ୍ଥିତି ଧୀରେଧୀରେ ନିୟନ୍ତ୍ରଣକୁ ଆସିଛି। ଏହାସହିତ ସେଠାରେ ଏବେ ସଚେତନତା କାର୍ଯ୍ୟକ୍ରମ ଜାରି ରହିଛି। କେନ୍ଦ୍ରୀୟ ଦଳର ତଦାରଖ ପରେ ଏକ ନିର୍ଦେଶନାମା ଜାରି କରିବେ। ଉକ୍ତ ନିର୍ଦେଶନାମା ଆଧାରରେ ପରବର୍ତ୍ତୀ କାର୍ଯ୍ୟପନ୍ଥା ଗ୍ରହଣ କରାଯିବ।