ସମାଜ ଡିଜିଟାଲ ଡେସ୍କ: ୧୪ ବର୍ଷୀୟ ଆଇପିଏଲ ବୈଭବ ସୂର୍ୟ୍ୟବଂଶୀଙ୍କୁ ଭେଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ବିହାର ଗସ୍ତରେ ଥିବା ମୋଦୀ ପାଟନା ଜୟ ପ୍ରକାଶ ନାରାୟଣ ବିମାନ ବନ୍ଦରରେ ବୈଭବ ସୂର୍ୟ୍ୟବଂଶୀଙ୍କୁ ଭେଟିଛନ୍ତି । ଏହି ୧୪ ବର୍ଷୀୟ କ୍ରିକେଟ୍ ଖେଳାଳୀଙ୍କୁ ଭେଟିବା ପରେ ମୋଦୀ ତାଙ୍କର ମନ ଭରି ପ୍ରଂଶସା କରିଛନ୍ତି । କମ୍ ବୟସରୁ ଏତେ ବଡ ଘରୋଇ ଟୁର୍ଣ୍ଣାମେଣ୍ଟ ଖେଳିବା ଏବଂ ମାତ୍ର ୩୫ ବଲରେ ଧୁଆଁଧାର ଶତକ କରି ସମସ୍ତ ବଡ ବଡ ଖେଳାଳୀଙ୍କୁ ଧରାଶାୟୀ କରିଦେବା ପ୍ରଧାନମନ୍ତ୍ରୀ ମୋଦୀଙ୍କୁ ବହୁତ ଆକର୍ଷିତ କରିଥିଲା । ସେଥିପାଇଁ ସେ ପାଟନା ଏୟାରପୋର୍ଟରେ ବୈଭବ ସୂର୍ୟ୍ୟବଂଶୀଙ୍କୁ ଭେଟିଥିଲେ । ବୈଭବଙ୍କ ସହ ହାତ ମିଳାଇଥିଲେ ମୋଦୀ ଏବଂ ବୈଭବ ସୂର୍ୟ୍ୟବଂଶୀ ବି ମୋଦୀଙ୍କ ପାଦ ଛୁଇଁ ଆଶୀର୍ବାଦ ନେଇଥିଲେ । ପ୍ରାୟ ୫ ମିନିଟର ଏବି ସାକ୍ଷାତକାର ଥିଲା । ମୋଦୀଙ୍କୁ ଭେଟିବା ଅବସରରେ ବୈଭବ ସୂର୍ୟ୍ୟବଂଶୀଙ୍କ ବାପା ମା ବି ଏହି ସମୟରେ ଉପସ୍ଥିତ ଥିଲେ । ପରେ ମୋଦୀ ନିଜ ଏକ୍ସ ଆକାଉଣ୍ଟରେ ଏହି ଫଟୋ ଓ ଭିଡିଓ ସେୟାର କରିଛନ୍ତି ।
ଆପଣ ସମସ୍ତେ ଜାଣିଛନ୍ତି, ବୈଭବ ସୂର୍ୟ୍ୟବଂଶୀଙ୍କୁ ମାତ୍ର ୧୪ ବର୍ଷ ବୟସ । ସେ ବିହାର ସମସ୍ତିପୁର ଅଞ୍ଚଳର । ସେ ପ୍ରଥମ ଥର ପାଇଁ ଚଳିତ ଆଇପିଏଲ ରାଜସ୍ଥାନ ରୟାର୍ସ ଟିମ ତରଫରୁ ଖେଳିଥିଲେ । ନିଜ ପ୍ରଥମ ମ୍ୟାଚ୍ ଗୁଜୁରାଟ୍ ଟାଇଟନ୍ସ ବିପକ୍ଷରେ ଖେଳଥିଲେ, ଯେଉଁଥିରେ ସେ ମାତ୍ର ୩୫ଟି ବଲ୍ ଖେଳି ଧୁଆଁଧାର ଶତକ କରି ସାରା ବିଶ୍ବର ଦୃଷ୍ଟି ଆକର୍ଷଣ କରିଥିଲେ । ଏହି ମ୍ୟାଚରେ ବୈଭବ ସୂର୍ୟ୍ୟବଂଶୀ ଏକ ଡଜନରୁ ଅଧିକ ରେକର୍ଡ ଭାଙ୍ଗିଥିଲେ । ପ୍ରଥମ ସେ ମାତ୍ର ୧୪ ବର୍ଷରେ ଆଇପିଏଲ ଖେଳିଲେ, ଦ୍ବିତୀୟ ପ୍ରଥମ ଭାରତୀୟ ଭାବେ ଦ୍ରୁତତମ ଶତକ କରିଥଲେ । ଏହା କରି ସେ ୟୁସୁଫ୍ ପଠାନଙ୍କ ରେକର୍ଡ ଭାଙ୍ଗିଥିଲେ ।
