ମୁମ୍ବଇ : ପୁଲୱାମା ଆକ୍ରମଣ ସାରା ଦେଶକୁ ସ୍ତବ୍ଧ କରିଦେଇଥିବା ବେଳେ ଏଥିରେ ସହିଦ ହୋଇଥିବା ଯବାନମାନଙ୍କ ପରିବାରକୁ ସହାୟତା ନିମନ୍ତେ ଲୋକେ ଆଗକୁ ଆସିଛନ୍ତି। ବଲିଉଡ଼ ମଧ୍ୟ ଏଥିରେ ପଛଘୁଞ୍ଚା ନଦେଇ ସହାୟତାର ହାତ ବଢାଇଛି।
ବଲିଉଡ଼ ଅଭିନେତା ଅମିତାଭ ବଚ୍ଚନ ଆକ୍ରମଣରେ ସହିଦ ହୋଇଥିବା ପ୍ରତ୍ୟେକ ଯବାନଙ୍କ ପରିବାରକୁ ୫ଲକ୍ଷ ଟଙ୍କା ଲେଖାଏଁ ସହାୟତା ରାଶି ପ୍ରଦାନ କରିବାକୁ ଘୋଷଣା କରିଛନ୍ତି।
- Advertisement -
ନିକଟରେ ମୁକ୍ତିଲାଭ କରିଥିବା ସର୍ଜିକାଲ ଷ୍ଟ୍ରାଇକ୍ ଉପରେ ଆଧାରିତ ଚଳଚ୍ଚିତ୍ର ‘ଉରୀ-ଦି ସର୍ଜିକାଲ ଷ୍ଟ୍ରାଇକ’ର ଟିମ୍ ସହିଦଙ୍କ ପରିବାରକୁ ୧କୋଟି ଟଙ୍କାର ସହାୟତା ରାଶି ପ୍ରଦାନ କରିବାକୁ ଘୋଷଣା କରିଛି। ଚଳଚ୍ଚିତ୍ରର ପ୍ରଯୋଜକ ରୋନି ସ୍କ୍ରୁଭାଲା ଟ୍ୱିଟ୍ କରି ଏହି ସୂଚନା ଦେଇଛନ୍ତି।
ସେହିପରି ବଲିଉଡ଼ କଣ୍ଠଶିଳ୍ପୀ କୈଳାଶ ଖୈର ପୁଲୱାମା ଆକ୍ରମଣରେ ସହିଦ ହୋଇଥିବା ଉତ୍ତର ପ୍ରଦେଶର ବିଜୟ କୁମାର ମୋର୍ଯ୍ୟଙ୍କ ପରିବାରକୁ ୧୦ ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିବେ ବୋଲି କହିଛନ୍ତି।
