ତାମିଲନାଡୁ: ରାଜନୀତିରେ ପ୍ରବେଶ କରିଥିବା ବିଶିଷ୍ଟ ତାମିଲ ଅଭିନେତା ରଜନୀକାନ୍ତ ଆଗାମୀ ଲୋକସଭା ନିର୍ବାଚନ ଲଢ଼ିବେ ନାହିଁ ବୋଲି ଘୋଷଣା କରିଛନ୍ତି। ତାଙ୍କ ଦଳ ରଜନୀ ମକ୍କଲ ମଣ୍ଡରମ(ଆରଏମଏମ)ର କୌଣସି ସଦସ୍ୟ ମଧ୍ୟ ନିର୍ବାଚନରେ ଅଂଶଗ୍ରହଣ କରିବ ନାହିଁ ବୋଲି ସେ କହିଛନ୍ତି। ଏପରି କି ତାଙ୍କ ଦଳ ଅନ୍ୟ କୌଣସି ଦଳକୁ ସମର୍ଥନ କରିବ ନାହିଁ କି କାହା ସହ ମେଣ୍ଟ କରିବନି ବୋଲି ରଜନୀକାନ୍ତ ସୂଚନା ଦେଇଛନ୍ତି।
ରଜନୀକାନ୍ତ ଆହୁରି କହିଛନ୍ତି, ତାଙ୍କ ଫଟୋ କିମ୍ବା ତାଙ୍କ ଦଳର ଚିହ୍ନ କୌଣସି ରାଜନୈତିକ ପ୍ରଚାରରେ ବ୍ୟବହାର ହେବନି। ଏ ନେଇ ସେ ଅନ୍ୟ ଦଳ ଏବଂ ଆଶାୟୀ ପ୍ରାର୍ଥୀମାନଙ୍କୁ ନିବେଦନ କରି ବାରଣ କରିଛନ୍ତି। ସେ ତାଙ୍କ ଦଳର କର୍ମକର୍ତ୍ତା ଏବଂ ଫ୍ୟାନମାନଙ୍କୁ କହିଛନ୍ତି ଯେ, ଯେଉଁ ଦଳ ଏବଂ ପ୍ରାର୍ଥୀ ତୁମମାନଙ୍କର ତଥା ରାଜ୍ୟର ମୁଖ୍ୟ ସମସ୍ୟା ଯେପରି କି ଜଳ ସମସ୍ୟା ସମାଧାନ କରିବେ ବୋଲି ଆଶା କରୁଛ ତାଙ୍କୁ ହିଁ ଭୋଟ ଦିଅ। ବୁଦ୍ଧିମାନର ସହ ଚିନ୍ତା କରି ଜନସାଧାରଣଙ୍କ ମଙ୍ଗଳ ପାଇଁ ଭୋଟ ଦିଅ, ଯାହାଦ୍ବାରା କେନ୍ଦ୍ରରେ ଏକ ସ୍ଥିର ସରକାର ଗଠନ ହୋଇପାରିବ ବୋଲି ସେ ଆହ୍ବାନ ଦେଇଛନ୍ତି।
