ଗୁଆହାଟୀ : ସାଇନା ନେହୱାଲ୍ ଜାତୀୟ ବ୍ୟାଡ୍ମିଣ୍ଟନ ମହିଳା ସିଙ୍ଗଲ୍ସ ଓ ସୌରଭ ବର୍ମା ପୁରୁଷ ସିଙ୍ଗଲ୍ସ ଟାଇଟଲ ବିଜୟୀ ହୋଇଛନ୍ତି ।
୮୩ତମ ଜାତୀୟ ବରିଷ୍ଠ ବ୍ୟାଡ୍ମିଣ୍ଟନ ପ୍ରତିଯୋଗିତା ଫାଇନାଲରେ ପି.ଭି. ସିନ୍ଧୁଙ୍କୁ ୨୧-୧୮, ୨୧-୧୫ ସେଟରେ ପରାସ୍ତ କରି ସାଇନା ଏହି ଟାଇଟଲ ହାସଲ କରିଛନ୍ତି । ସେହିପରି ସୌରଭ ବର୍ମା କ୍ରମାଗତ ତୃତୀୟ ଥର ପାଇଁ ପୁରୁଷ ସିଙ୍ଗଲ୍ସ ଟାଇଟଲ ବିଜୟୀ ହୋଇଛନ୍ତି । ସେ ଲକ୍ଷ୍ୟ ସେନଙ୍କୁ ସିଧାସଳଖ ୨୧-୧୮, ୨୧-୧୩ ସେଟ୍ରେ ପରାସ୍ତ କରିଛନ୍ତି ।
- Advertisement -
ଅନ୍ୟ ପକ୍ଷରେ ପୁରୁଷ ଡବଲ୍ସରେ ପ୍ରଣବ ଜେରୀ ଚୋପ୍ରା ଓ ଚିରାଗ ସେଟ୍ଟୀ ଟପ୍ସିଡ୍ ମାନ୍ୟତା ପ୍ରାପ୍ତ ଅର୍ଜୁନ ଏମ୍.ଆର୍. ଏବଂ ଶ୍ଳୋକ ରାମଚନ୍ଦ୍ରନଙ୍କ ଯୋଡ଼ିକୁ ୨୧-୧୩, ୨୨- ୨୦ ସେଟ୍ରେ ପରାସ୍ତ କରି ପୁରୁଷ ଡବଲ୍ସ ଟାଇଟଲ ବିଜୟୀ ହୋଇଛନ୍ତି।
