ଧର୍ମଗଡ/କଲମପୁର(ନି.ପ୍ର)/ଜୁନାଗଡ : ଶନିବାର ଜୁନାଗଡରେ ବିଜେଡିର ମିଳନ ସମାବେଶ ଅନୁଷ୍ଠିତ ହୋଇଯାଇଛି । ଏହି ମିଳନ ସମାବେଶରେ ବିଜେପି ଓ କଂଗ୍ରେସ ଦଳରୁ ଅନେକ କର୍ମୀ ଯୋଗ ଦେଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନବାଗତଙ୍କୁ ବିଜେଡି ଉତ୍ତରୀୟ ଦେଇ ସ୍ୱାଗତ କରିଥିଲେ । ଏମାନଙ୍କ ମଧ୍ୟରେ ନର୍ଲା ବ୍ଳକ ଚେୟାରମ୍ୟାନ ମନୋରମା ମହାନ୍ତି, ନର୍ଲା ବ୍ଳକ ଉପାଧକ୍ଷ୍ୟ ଦୁର୍ଗା ପ୍ରସାଦ ମହାନ୍ତି, ଧନୁ ଗୋପାଳ, ବିଶ୍ୱନାଥ କର, ବୃଷବ ଧ.ମାଝି, ହିମାଂଶୁ ବରାଡଙ୍କ ନେତୃତ୍ୱରେ ଗୋଲାମୁଣ୍ଡା ଓ ଜୁନାଗଡ ବ୍ଳକର ପଂଚାୟତ ୱାର୍ଡ ମେମ୍ବର ପ୍ରମୁଖ ନିଜ ନିଜ ସମର୍ଥକଙ୍କ ସହ ମୁଖ୍ୟମନ୍ତ୍ରୀ ନବିନ ପଟ୍ଟନାୟକଙ୍କ ଉପସ୍ଥିତିରେ ବିଜେଡିରେ ସାମିଲ ହୋଇଥିଲେ । ତେବେ ଦିବ୍ୟାଙ୍ଗ ଟଙ୍କଧର ଖର୍ସେଲଙ୍କ ବିଜେଡିରେ ଯୋଗଦାନ ସବୁଠୁଁ ଚର୍ଚ୍ଚାରେ ଥିଲା । ଟଙ୍କଧରଙ୍କୁ ଜଣେ ଯାଦବ ନେତା ବୋଲି ମୁଖ୍ୟମନ୍ତ୍ରୀଙ୍କ ଆଗରେ ପରିଚୟ କରାଯାଇଥିଲା । ଟଙ୍କଧର ହେଉଛନ୍ତି ସେଇ ବ୍ୟକ୍ତି ଯାହାଙ୍କୁ ଏକ ସଭାରେ ଜୁନାଗଡ ବିଧାୟକ ଦିବ୍ୟଶଂକର ମିଶ୍ର ଦୁର୍ବ୍ୟହାର ପ୍ରଦର୍ଶନ ପୂର୍ବକ ଜୀବନରେ ମାରି ଦେବାକୁ ଧମକ ଦେଇଥିଲେ ବୋଲି ଅଭିଯୋଗ ହୋଇଥିଲା । ଏହାକୁ ନେଇ କଳାହାଣ୍ଡି ଯାଦବ ସମାଜ ବିଭିନ୍ନ ଥାନା ଘେରାଉ କରିବା ସହ ବିଧାୟକଙ୍କ ନିଲମ୍ବନ ଦାବୀ କରି ରାଜରାସ୍ତାକୁ ଓହ୍ଳାଇଥିଲା । ସେ ଶନିବାର ସପତ୍ନୀକ ବିଜେଡିରେ ଯୋଗ ଦେଇଥିଲେ । ତେବେ କେଉଁ ପରିସ୍ଥିତିରେ ଟଙ୍କଧର ବିଜେଡିରେ ଯୋଗଦେଲେ ତାକୁ ନେଇ ଏବେ ଚର୍ଚ୍ଚା ଜୋର ଧରିଛି । ନିର୍ଦ୍ଧାରିତ ସମୟର ସାମାନ୍ୟ ବିଳମ୍ବ ମଧ୍ୟରେ ମୁଖ୍ୟମନ୍ତ୍ରୀଙ୍କ ହେଲିକେପ୍ଟର ଜୁନାଗଡ ବିଜୁପଟ୍ଟନାୟକ ଷ୍ଟାଡିୟମରେ ଅବତରଣ କଲାପରେ ତାଙ୍କୁ ବିଧାୟକ ପୁଷ୍ପନ୍ଦ୍ରେ ସିଂ ଦେଓ,ବିଧାୟକ ଦିବ୍ୟଶଂକର ମିଶ୍ର ,ହିମାଂଶୁ ବରାଡ ପ୍ରମୂଖ ତାଙ୍କୁ ଫୁଲତୋଡା ଦେଇ ସବାଗତ କରିଥିଲେ।
Popular Categories
Previous article
Next article