ନୂଆଦିଲ୍ଲୀ : ଦିଲ୍ଳୀର ରୋହିଣୀ ଅଞ୍ଚଳରେ ସୋମବାର ପୁଲିସ୍ ଗୁଳିରେ ଏକ ଅପରାଧୀ ଗ୍ୟାଙ୍ଗର ୩ ଜଣ ସଦସ୍ୟ ଆହତ ହୋଇଛନ୍ତି। ସେମାନଙ୍କ ଗୋଡ଼କୁ ପୁଲିସ୍ ପକ୍ଷରୁ ଗୁଳି ମରାଯାଇଛି। ସୂଚନା ଅନୁସାରେ ଦିଲ୍ଲୀ ପୁଲିସ୍ର ସ୍ୱତନ୍ତ୍ର ଶାଖା ରୋହିଣୀ ଅଞ୍ଚଳରେ ଗ୍ୟାଙ୍ଗର ସଦସ୍ୟଙ୍କୁ ଘେରି ଯାଇଥିଲେ। ସେଠରେ ଉଭୟ ପକ୍ଷ ମଧ୍ୟରେ ଗୁଳି ବିନିମୟ ହୋଇଥିଲା। ଅପରାଧୀଙ୍କ ଏକ ଗୁଳି ଆସି ପୁଲିସ୍ କର୍ମୀ ପିନ୍ଦିଥିବା ବୁଲେଟପ୍ରୁଫ ଜ୍ୟାକେଟରେ ବାଜିଥିଲା। ଆହତ ୩ ଅପରାଧୀଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ପ୍ର୍ରକାଶ ଯେ ଦିଲ୍ଲୀରେ ବୱାନା ଏବଂ ହ୍ୟାପି ଗ୍ୟାଙ୍ଗ ମଧ୍ୟରେ ଛକାପଞ୍ଛାରୁ ୨ ଜଣଙ୍କ ମୃତ୍ୟୁ ଘଟିଥିଲା। ଏହାପରେ ପୁଲିସ୍ର ସ୍ୱତନ୍ତ୍ର ଶାଖା କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା। ପୁଲିସ୍ ଗୁଳିରେ ଆହତ ଅପରାଧୀଙ୍କ ମଧ୍ୟରେ ଜଣେ ୧୭ ବର୍ଷିୟ କିଶୋର ଅଛି। ଦୁଇ ହତ୍ୟାକାଣ୍ଡରେ କିଶୋର ଜଣଙ୍କ ଉପସ୍ଥିତ ଥିଲା।
