ଟିକାବାଲି /ଫୁଲବାଣୀ: କନ୍ଧମାଳ ଜିଲା ଟିକାବାଲି ବ୍ଲକ ସାରଙ୍ଗଡ଼ ଥାନା ଅନ୍ତର୍ଗତ ପାବୁରିଆ-ଜି.ଉଦୟଗିରି ରାସ୍ତାର କୁଟିଗୁଡା ଠାରେ ଏକ ବାଇକ ଦୁର୍ଘଟଣାଗ୍ରସ୍ତ ହୋଇ ଜଣେ ଯୁବକ ଘଟଣା ସ୍ଥଳରେ ପ୍ରାଣ ହରାଇଛନ୍ତି। ମୃତକ ଜଣକ ରାଇକିଆ ଥାନା ଅନ୍ତର୍ଗତ କରଡା ପଞ୍ଚାୟତ ପଡାମାରି ଗ୍ରାମର ଅନାଦି ପରିଛାଙ୍କ ପୁପୁନ ପରିଚ୍ଛା(୩୨) ବୋଲି ଜଣାପଡିଛି।
ସ୍ଥାନୀୟ ଲୋକଙ୍କ ସୂଚନା ଅନୁସାରେ, ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି। ସକାଳେ ଘଟଣା ସ୍ଥଳରେ ଏକ ନମ୍ବର ବିହୀନ ନୂଆ ଗାଡି ପଡିଥିବା ଏବଂ ଚାଳକଙ୍କ ମୃତ୍ୟୁ ହୋଇଥିବା ଦେଖିବାକୁ ପାଇ ଲୋକେ ସାରଙ୍ଗଡ଼ ଥାନାରେ ଖବର ଦେଇଥିଲେ। ପୁଲିସ ପହଞ୍ଚି ମୃତଦେହ ଜବତ ପରେ ବ୍ୟବଚ୍ଛେଦ ପାଇଁ ବାଲିଗୁଡା ଜିଲା ଉପମୁଖ୍ୟ ଚିକିତ୍ସାଳୟକୁ ପଠାଇଥିଲା।
