ଜଟଣୀ: ନିଆଁ ଲାଗି ୨ଟି ଅଚଳ ବସ ଜଳି ଯାଇତିବା ସୂଚନା ମିଳିଛି। ଜଟଣୀ ରାମଚନ୍ଦ୍ରପୁର ବଜାରରେ ୨ଟି ଅଚଳ ବସ ଜଳିଯାଇଛି। ନିକଟରେ ଥିବା ଅଳିଆଗଦାରୁ ନିଆଁ ଲାଗିଥିବା ଅନୁମାନ କରାଯାଉଛି।
ଜଟଣି ରାମଚନ୍ଦ୍ରପୁର ବଜାରରେ ଠିଆ ହୋଇଥିବା ୨ଟି ଅଚଳ ବସରେ ନିଆଁ ଲାଗିଯାଇଥିବା ଦେଖିବାକୁ ମିଳିଥିଲା। ଏ ସମ୍ପର୍କରେ ସ୍ଥାନୀୟ ଲୋୋକ ଅଗ୍ନିଶମ ବାହିନୀକୁ ଖବର ଦେଇଥିଲେ। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା।
- Advertisement -
ପୁଲିସ ଘଟଣାସ୍ଥଳରେ ପହଞ୍ଚି ଅଚଳ ବସରେ କିଭଳି ନିଆଁ ଲାଗିଲା ତାହାର ତଦନ୍ତ ଆରମ୍ଭ କରିଛି। ନିକଟରେ ଥିବା ଅଳିଆ ଗଦାରୁ ବସ ୨ଟିରେ ନିଆଁ ଲାଗିଥାଇପାରେ ବୋଲି ପୁଲିସ ଅନୁମାନ କରୁଛି। ତେବେ ବସରେ କିଭଳି ନିଆଁ ଲାଗିଲା ତାହାର ତଦନ୍ତ ଚାଲିଛି ବୋଲି ପୁଳିସ ସୂଚନା ଦେଇଛି।
