ସମାଜ ଡିଜିଟାଲ ଡେସ୍କ: ଜାମ୍ମୁ-କାଶ୍ମୀରର ସୋନମାର୍ଗ ଅଞ୍ଚଳରେ ଭୟଙ୍କର ହିମସ୍ଖଳନ ଘଟିଛି। ଏଥିରେ କେହି ମୃତାହତ ହୋଇଥିବା ସମ୍ପର୍କରେ ସୂଚନା ମିଳିନାହିଁ। ହେଲେ ଏହାର ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି। ଭିଡିଓରୁ ହିମସ୍ଖଳନର ଭୟାବହତା ସ୍ପଷ୍ଟ ଜଣାପଡ଼ୁଛି। ବରଫ ପାହାଡ଼ର ଏକ ବିରାଟ ଅଂଶ ଧସିଯିବା ପରେ ତାହା ପ୍ରବଳ ବେଗରେ ମାଡ଼ି ଆସୁଛି। ଚତୁର୍ଦିଗ ଧୂଆଁମୟ ହୋଇପଡ଼ିଛି। ନିକଟରେ ଏକ ଗାଡ଼ି ରହିଥିବାବେଳେ ତାହା ପାଖରେ କିଛି ଲୋକ ଛିଡ଼ା ହୋଇଛନ୍ତି। ସେମାନଙ୍କ ନିକଟକୁ ବରଫ ଅତଡ଼ା ମାଡ଼ି ଆସୁଥିବା ଦେଖିବାକୁ ମିଳିଛି। ସେମାନେ ଗାଡ଼ିର ଡୋର ଖୋଲି ଭିରକୁ ଚାଲିଯିବାକୁ ଉଦ୍ୟମ କରୁଛନ୍ତି।
Video captures a massive avalanche striking Sarbal in Sonamarg.#Kashmir #JammuKashmir #Avalanche #Trending #Viral #ViralVideo pic.twitter.com/YUNxIrzruP
— TIMES NOW (@TimesNow) March 5, 2025
