ନୂଆଦିଲ୍ଲୀ : ଚମ୍ପିଆନ ଟ୍ରଫି ୨୦୨୫ରେ ଟିମ୍ ଇଣ୍ଡିଆର ପାକିସ୍ତାନ ସହ ମ୍ୟାଚ୍ରେ ବିରାଟ୍ କୋହଲି ଶତକ ରନ୍ ହାସଲ କରି କୋଟି କୋଟି ଦର୍ଶକଙ୍କ ମନରେ ରାଜ୍ କରିଛନ୍ତି। ଦିନିକିଆ ମ୍ୟାଚ୍ରେ କୋହଲିଙ୍କ ଏହା ୫୧ ତମ ଶତକ। କୋହଲି ଚଉକା ମାରି ନିଜର ଶତକ ପୂରଣ କରିବା ସହ ଟିମ୍ ଦମ୍ଦାର୍ ବିଜୟ ହାସଲ କରିଥିଲା। ଏହି ମୁକାବିଲାରେ କୋହଲି ୧୪ ହଜାର ରନ୍ ସଂଗ୍ରହ କରି ରେକର୍ଡ କରିଛନ୍ତି
ମ୍ୟାଚ୍ରେ କୋହଲିଙ୍କ ଶତକ ହେବାକୁ ୪ ରନ୍ ବାକି ଥିବା ବେଳେ ଟିମ୍ ଜିତିବା ପାଇଁ ୨ ରନ୍ର ଆବଶ୍ୟକତା ଥିଲା । ସେହି ସମୟରେ ଟିମ୍ ଅଧିନାୟକ ରୋହିତ୍ ଶର୍ମା ବିରାଟ୍ଙ୍କୁ କିଛି ସଙ୍କେତ ଦେଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି ।
ଭିଡିଓରେ ଦେଖିପାରିବେ ଯେତେବେଳେ କୋହଲି ୯୬ ରନ୍ ହାସଲ କରି ସାରିଥିଲେ, ସେହି ସମୟରେ ରୋହିତ ବିରାଟଙ୍କୁ ଚଉକା କିମ୍ବା ଛକା ମାରିବା ପାଇଁ ଇସାରା ଦେଇଥିଲେ । ବାସ୍ ପରବର୍ତ୍ତି ବଲ୍ରେ ବିରାଟ ଚଉକା ମାରି ନିଜର ଶତକ ହାସଲ କରିଥିଲେ । ଏହାପରେ ଟିମ୍ ଇଣ୍ଡିଆର ଦମ୍ଦାର୍ ବିଜୟର ଉତ୍ସବ ପାଳନ କରାଯାଇଥିବା ଦେଖାଯାଇଥିଲା ।
