ନୂଆଦିଲ୍ଲୀ: ମାଓ ନେତା ସବ୍ୟସାଚୀ ପଣ୍ଡାଙ୍କୁ ଏକ ବଡ଼ ଝଟକା ଲାଗିଛି । ନୟାଗଡ଼ ଥାନା ଆକ୍ରମଣ ଘଟଣାରେ ସବ୍ୟସାଚୀ ପଣ୍ଡାଙ୍କ ଜାମିନ ଆବେଦନକୁ ସୁପ୍ରିମକୋର୍ଟ ନାମଞ୍ଜୁର କରିଦେଇଛନ୍ତି । ସୁପ୍ରିମକୋର୍ଟର ବିଚାରପତି ଜଷ୍ଟିସ ଏନ ଭି ରମନ୍ନା ଓ ଜଷ୍ଟିସ ଦୀପକ ଗୁପ୍ତାଙ୍କୁ ନେଇ ଗଠିତ ବେଞ୍ଚ ସେମାବାର ସବ୍ୟସାଚୀ ପଣ୍ଡାଙ୍କ ଜାମିନ ଆବେଦନକୁ ଖାରଜ କରି ଦେଇଛନ୍ତି।
ସୂଚନାଯୋଗ୍ୟ, ନୟାଗଡ଼ ଥାନା ଆକ୍ରମଣ ଘଟଣାରେ ଗିରଫ ହୋଇ ଜେଲରେ ଥିବା ସବ୍ୟସାଚୀ ପଣ୍ଡା ଆଡିସନାଲ ସେସନ୍ସ କୋର୍ଟ ଜାମିନ ଆବେଦନ କରିଥିଲେ । ୨୦୧୭ ମସିହାରେ ସେସନ୍ସ କୋର୍ଟ ନାମଞ୍ଜୁର କରି ଦେଇଥିଲେ। ନିମ୍ନ ଅଦାଲତଙ୍କ ଏହି ରାୟକୁ ଚାଲ୍ୟଞ୍ଚ କରି ସବ୍ୟସାଚୀ ପଣ୍ଡା ହାଇକୋର୍ଟର ଦ୍ବାରସ୍ଥ ହୋଇଥିଲେ । ୨୦୧୮ ମସିହାରେ ହାଇକୋର୍ଟ ମଧ୍ୟ ସବ୍ୟସାଚୀଙ୍କ ଜାମିନ ଆବେଦନକୁ ଖାରଜ କରଦେଇଥିଲେ। ହାଇକୋର୍ଟଙ୍କ ଏହି ରାୟ ବିରୋଧରେ ସବ୍ୟସାଚୀ ପଣ୍ଡା ସୁପ୍ରିମକୋର୍ଟରେ ଜାମିନ ଆବେଦନ କରିଥିଲେ । ସୁପ୍ରିମକୋର୍ଟ ଆଜି ତାହାକୁ ଖାରଜ କରି ଦେଇଛନ୍ତି ।
