ଭୁବନେଶ୍ଵର: ଏକ ନିଆରା କାହାଣୀକୁ ନେଇ ଆସୁଛି ଓଡ଼ିଆ ଚଳଚ୍ଚିତ୍ର ‘ମାଷ୍ଟୂର’। ଭୁବନେଶ୍ୱରସ୍ଥିତ ବୁଦ୍ଧ ମନ୍ଦିରଠାରେ ଏହି ଚଳଚ୍ଚିତ୍ରକୁ ନେଇ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ସିନେମାର କାହାଣୀ ମୁଖ୍ୟତଃ ଜଣେ ଶିକ୍ଷକଙ୍କ ସଂଘର୍ଷର କାହାଣୀ। ଚିରାଚରିତ ପ୍ରଥାରୁ ବାହାରି ଏକ ନିଛକ କାହାଣୀ ଉପରେ ଏହି ଚଳଚ୍ଚିତ୍ର ପର୍ଯ୍ୟବସିତ ବୋଲି ନିର୍ଦ୍ଦେଶକ ୟଶ ବର୍ମା କହିଛନ୍ତି। ‘ମାଷ୍ଟୂର’ର ପ୍ରଯୋଜନା ଭାର କୁମାର ପ୍ରୀତମ ସାହୁ ବହନ କରିଥିବାବେଳେ ଏହାକୁ ଆନମିଶ ପ୍ରଡକ୍ସନ ହାଉସ ବ୍ୟାନରରେ ଆଗାମୀ ଉତ୍କଳ ଦିବସ ଅବସରରେ ମୁକ୍ତିଲାଭ କରିବାକୁ ଲକ୍ଷ୍ୟ ରଖାଯାଇଥିବା କହିଛନ୍ତି ନିର୍ଦ୍ଦେଶକ।
ସୂଚନାଯୋଗ୍ୟ, ୟଶ ବର୍ମା ଓ ସୁନୀଲ କୁମାର ସାହୁ ମିଳିତ ଭାବେ ଏହି ସିନେମାର ନିର୍ଦ୍ଦେଶନା ଦେଇଛନ୍ତି। ଏଥିସହ ରାଜେଶ, ଗୁଞ୍ଜନ, ଟିକିରଥ ପ୍ରମୁଖ କଳାକାର ଏହି ଚଳଚ୍ଚିତ୍ରରେ ଅଭିନୟ କରିଛନ୍ତି। ମୁଖ୍ୟତଃ କେନ୍ଦୁଝରର ବିଭିନ୍ନ ସ୍ଥାନରେ ପିଲ୍ମର ଶୁଟିଂ କରାଯିବା ନେଇ ପ୍ରଯୋଜନା ସଂସ୍ଥା ପକ୍ଷରୁ ପ୍ରକାଶ।
