କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ସଦର ପଞ୍ଚାୟତର ପାଟବନ୍ଧ ଗ୍ରାମ ନିକଟରେ ରାସ୍ତା ପାର୍ଶ୍ୱରେ ଯମ ହୋଇ ଛିଡ଼ାହୋଇଛି ଶୁଖିଲା ଆମ୍ବ ଗଛ। ସଦର ଜଗନ୍ନାଥ ମନ୍ଦିରରୁ ଜଗନ୍ନାଥପୁର ଯିବା ବାଟ ପାଟବନ୍ଦ ଗାଁ ପାଖ ରାସ୍ତା କଡ଼ରେ ଯମ ହୋଇ ଜଗିରହିଛି ବିରାଟ ବଡ଼ ଶୁଖିଲା ଆମ୍ବ ଗଛ। ଏହି ରାସ୍ତା ଦେଇ ଥେରୁବାଲି, ମୁନିଗୁଡା, ବିଷମକଟକ, ରାୟଗଡ଼ା ସହ ଏହି ବ୍ଲକର ତିନୋଟି ପଞ୍ଚାୟତର ଲୋକେ ଯାତାୟତ କରନ୍ତି। ବ୍ଲକ ଅଫିସରୁ ଆରମ୍ଭ କରି ମେଡ଼ିକାଲ, ମାର୍କେଟିଂ, କଲେଜ ସହ ସବୁଦିନ ହଜାର ହଜାର ସଂଖ୍ୟାରେ ବାଇକ, ସାଇକେଲ, ଅଟୋ ରିକ୍ସାରେ ଲୋକେ ବିପଦକୁ ଆପଣାଇ ଯାତାୟତ କରୁଥିବାବେଳେ ଏବେ ଏହି ଶୁଖିଲା ଆମ୍ବ ଗଛ କିଛି ଯୁବକ ଯୁବତୀଙ୍କ ପାଇଁ ଫୋଟ ଓ ଭିଡିଓ ଉତ୍ତୋଳନ ପାଇଁ ପ୍ରାକୃତିକ ଶୋଭା ପାଲଟିଥିବା ମଧ୍ୟ ଦେଖିବାକୁ ମିଳିଛି। ଗଛଟି ବହୁ ଦିନ ଧରି ଖୁଖି ରାସ୍ତା କଡରେ ଛିଡ଼ା ହୋଇ ରହିଥିବା ଯୋଗୁଁଁ ସେହି ରାସ୍ତାରେ ଚଳପ୍ରଚଳ ଲୋକଙ୍କ ଜୀବନ ପ୍ରତି ବିପଦ ରହିଛି। କେତେବେଳେ କ’ଣ ଅଘଟଣ ଘଟିବ ତାକୁ ଏଡ଼ାଇ ହେବନି। ଏହି ଶୁଖିଲା ଆମ୍ବ ଗଛ ପ୍ରତି ପ୍ରଶାସନ ଦୃଷ୍ଟି ଦେଇ ତୁରନ୍ତ କାଟିବା ପାଇଁ ତିନିଟି ପଞ୍ଚାୟତ ସୁନାଖଣ୍ଡି, ପଲମା, କନ୍ଦ ଖାତିପାଡୁର ଲୋକମାନେ ଦାବି କରିଛନ୍ତି।
Popular Categories
Previous article
Next article