ସମ୍ବଲପୁର : ସାରା ରାଜ୍ୟରେ ଚହଳ ସୃଷ୍ଟି କରିଥିବା ମଣପୁରମ୍ ଗୋଲ୍ଡ ଲୋନ ସମ୍ବଲପୁର ଶାଖାର ଲୁଟ ଘଟଣାରେ ପୁଲିସ ଲୁଟିଆ ମାନଙ୍କୁ ଚିହ୍ନଟ କରିଥିବା ବେଳେ ସେମାନଙ୍କ ମଧ୍ୟରୁ ୨ ଜଣ ଲୁଟିଆ ଅଜୟ ପାଶୱାନ ଓ ପଙ୍କଜ ପାସୱାନକୁ ଗିରଫ କରିଛି। ପୁଲିସ ପଙ୍କଜକୁ ପଶ୍ଚିମବଙ୍ଗ ରାଜ୍ୟ ପୁଲିସ ସହାୟତାରେ ହୁଗଳି ଜିଲାରୁ ଧରାଯିବା ପରେ ଟ୍ରାନଜିଟ ରିମାଣ୍ଡରେ ଅଣା ଯାଇଥିବା ବେଳେ ଅଜୟକୁ ଠେଲକୁଲି ଅଞ୍ଚଳରୁ ଧରାଯାଇଥିଲା। ପୁଲିସ ପରବର୍ତ୍ତୀ ସମୟରେ ପଙ୍କଜକୁ ୩ ଦିନିଆ ରିମାଣ୍ଡରେ ଆଣି ପଚରାଉଚୁରା କରୁଥିବା ବେଳେ ଠେଲକୁଲି ଠାରେ ଲୁଟିଆ ମାନେ ନେଇଥିବା ଭଡା ଘରକୁ ତଲାସି କରିବା ପରେ ସେଠାରୁ ଏକ ଦେଶୀ ପିସ୍ତଲ, ଏକ ମାଗାଜିନ ଓ ୫ଟି ଜୀବନ୍ତ ଗୁଳି ଜବତ କରାଯାଇଛି। ଏଥି ସହ ଆହୁରୀ ଅନେକ କିଛି ତଥ୍ୟ ଜେରା ସମୟରେ ପଙ୍କଜ ପୁଲିସକୁ ସୂଚନା ପ୍ରଦାନ କରିଛି ବୋଲି ସଦର ଏସଡିପିଓ ତୁଫାନ ବାଗ ସୁଚନା ଦେଇଛନ୍ତି।
ସୂଚନାଯୋଗ୍ୟ ଯେ, ଗତ ୩ ତାରିଖରେ ସ୍ପଷ୍ଟ ଦିବାଲୋକରେ ମଣପୁରମ୍ ଗୋଲ୍ଡ ଲୋନ ସମ୍ବଲପୁର ଶାଖାରୁ ୫ ଜଣ ଲୁଟିଆ କର୍ମଚାରୀ ମାନଙ୍କୁ ନିସ୍ତୁକ ମାଡ ମାରି ଓ ବନ୍ଧୁକ ଦେଖାଇ ପ୍ରାୟ ୨୮ କିଗ୍ରା ସୁନା ଓ ନଗଦ ୪ ଲକ୍ଷ ୮୧ ହଜାର ଟଙ୍କା ଲୁଟି ନେଇ ଚମ୍ପଟ ମାରିଥିଲେ। ଏହି ଘଟଣାରେ ପୁଲିସ ୨ ଜଣଙ୍କୁ ଧରିଥିବା ବେଳେ ଲୁଟ ସୁନା ଓ ଟଙ୍କା ଗୁଡିକୁ ଜବତ କରିବାରେ ବିଫଳ ରହିଛି। ଏବେ ମଧ୍ୟ ରାଜ୍ୟ ବାହାରେ ପୁଲିସର ୨ଟି ଦଳ ରହି ଲୁଟିଆ ମାନଙ୍କୁ ଧରିବାକୁ ଉଦ୍ୟମ କରୁଛନ୍ତି ।
ମଣପୁରମ୍ ସୁନା ଲୁଟ ଘଟଣା ; ଅଭିଯୁକ୍ତଙ୍କ ଭଡା ଘରୁ ମିଳିଲା ପିସ୍ତଲ ଓ ଗୁଳି
Popular Categories
Previous article
Next article