ପାଟଣା : କେନ୍ଦୁଝର ଜିଲା ପାଟଣା ବ୍ଲକ ତୁରୁମୁଙ୍ଗା ଥାନା ଅଞ୍ଚଳ ୪୯ ନମ୍ବର ଜାତୀୟ ରାଜପଥର ଚିଲିଦା ବେହେରା ସାହି ନିକଟରେ ଟ୍ରଲର ପଛରେ ଏକ ଟୁରିଷ୍ଟ ବସ୍ ଧକ୍କା ଦେଇ ଦୁର୍ଘଟଣା ଗ୍ରସ୍ତ ହୋଇଛି। ଦୁର୍ଘଟଣାରେ ବସରେ ଥିବା ୧୪ ଜଣ ତୀର୍ଥଯାତ୍ରୀ ସାମାନ୍ୟ ଆହତ ହୋଇଛନ୍ତି। ସେମାନଙ୍କୁ ଖିରେଇଟାଙ୍ଗିରୀ ଟୋଲ୍ ଗେଟ୍ ଆମ୍ବୁଲାନ୍ସ ଯୋଗେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଉଭୟ ଟ୍ରଲର ଓ ବସ୍ କେନ୍ଦୁଝରରୁ ତୁରୁମୁଙ୍ଗା ଅଭିମୁଖେ ଆସୁଥିବାବେଳେ ଚିଲିଦା ନିକଟରେ ରାସ୍ତା ଉପରକୁ ଏକ ବଳଦ ଚାଲି ଆସିବାରୁ ବଳଦକୁ ବଞ୍ଚାଇବା ପାଇଁ ଟ୍ରଲରଟି ହଠାତ୍ ବ୍ରେକ ମାରି ଦେବାରୁ ଟୁରିଷ୍ଟ ବସ୍ ଟ୍ରଲର ପଛରେ ଧକ୍କା ଦେଇଥିଲା । ଘଟଣାସ୍ଥଳରେ ତୁରୁମୁଙ୍ଗା ପୁଲିସ ପହଞ୍ଚି ଘଟଣାର ତଦନ୍ତ ଚଳାଇଛି।
Popular Categories
Previous article
Next article