ଘରୋଇ କଳିରୁ ଭଉଣୀକୁ ହତ୍ୟା କଲା ଭାଇ

ସମାଜ ଡିଜିଟାଲ ଡେସ୍କ: ଘରୋଇ କଳହକୁ କେନ୍ଦ୍ର କରି ନିଜ ଭଉଣୀକୁ ହତ୍ୟା କରିଛି ଭାଇ। ଏଭଳି ଏକ ଜଘନ୍ୟ ହତ୍ୟାକାଣ୍ଡ ଘଟିଛି ଗଞ୍ଜାମ ଜିଲାର ରାଇପୋଲି ଗାଁରେ। ହତ୍ୟାର ଶିକାର ହୋଇଛନ୍ତି ଲକ୍ଷ୍ମୀ ମହାନ୍ତି। ଘଟଣା ପରେ ଅଭିଯୁକ୍ତ ଭାଇ ବାବାଜୀ ପାତ୍ର ଫେରାର ହୋଇଯାଇଛି। କୌଣସି କାରଣରୁ ଲକ୍ଷ୍ମୀ ଏବଂ ବାବାଜୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ଉତ୍‌କ୍ଷିପ୍ତ ହୋଇ ବାବାଜୀ ଏକ ଛୁରିରେ ଲକ୍ଷ୍ମୀଙ୍କୁ ଆକ୍ରମଣ କରିଥିଲା। ପରେ ଶିଳ ପୁଆରେ ଛେଚି ତାଙ୍କୁ ହତ୍ୟା କରିଥିଲା। ପୁଲିସ ଏକ ହତ୍ୟା ମାମଲା ରୁଜୁ କରିବା ସହିତ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଅଭିଯୁକ୍ତଙ୍କୁ ଧରିବା ଲାଗି ଉଦ୍ୟମ ଚଳାଇଛି।