ଦୀପିକା ହେଲେ ‘ମାମି’ର ନୂତନ ଅଧ୍ୟକ୍ଷା

ମୁମ୍ବଇ : ବଲିଉଡ଼ ଅଭିନେତ୍ରୀ ଦୀପିକା ପାଦୁକୋନଙ୍କୁ ବୁଧବାର ମୁମ୍ବଇ ଏକାଡ଼େମୀ ଅଫ୍‍ ମୁଭିଙ୍ଗ୍‍ ଇମେଜ୍‍(ମାମି)ର ନୂତନ ଅଧ୍ୟକ୍ଷା ଭାବେ ନିଯୁକ୍ତି ମିଳିଛି। ଅଭିନେତା ଅମିର ଖାନ୍‍ଙ୍କ ପତ୍ନୀ କିରଣ ରାଓ ଏହି ପଦ ଛାଡ଼ିବା ପରେ ଦୀପିକାଙ୍କୁ ଏହି ପଦରେ ଅବସ୍ଥାପିତ କରାଯାଇଛି।

ଏହି ପଦ ପାଇଁ ଯୋଗ୍ୟ ବିବେଚିତ କରିଥିବାରୁ ସେ ବୋର୍ଡ଼ ସଦସ୍ୟଙ୍କୁ ଧନ୍ୟବାଦ ଜ୍ଞାପନ କରିଛନ୍ତି। ଏଥିସହିତ ଏହି ପଦର ଦାୟିତ୍ୱ ନିଷ୍ଠାର ସହ ପାଳନ କରିବାକୁ ପ୍ରୟାସ କରିବେ ବୋଲି ସେ କହିଛନ୍ତି।

ସୂଚନା ଅନୁସାରେ, କିଛିଦିନ ପୂର୍ବରୁ ‘ମାମି’ର ବୋର୍ଡ଼ ସଦସ୍ୟମାନେ ଏକ ବୈଠକର ଆୟୋଜନ କରିଥିଲେ। ସେଠାରେ ଆଗାମୀ ଅଧ୍ୟକ୍ଷଙ୍କ ପାଇଁ ହୋଇଥିବା ମତଦାନରେ ଦୀପିକାଙ୍କୁ ସର୍ବାଧିକ ମତଦାନ ମିଳିଥିଲା। ଦୀପିକାଙ୍କ ନିଯୁକ୍ତି ପରେ କିରଣ ତାଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ପଦରେ  ଦୀପିକା ଭଲ କାମ କରିପାରିବେ ବୋଲି କିରଣ ଆଶା ବ୍ୟକ୍ତ କରିଛନ୍ତି।