କିଭ୍: ୟୁକ୍ରେନ ଉପରେ ବୁଧବାର ବଡ଼ ଧରଣର ମିସାଇଲ୍ ଆକ୍ରମଣ କରିଛି ରୁଷ୍। ଏହି କାରଣରୁ ସୁରକ୍ଷା ଦୃଷ୍ଟିରୁ ୟୁକ୍ରେନ ଏହାର ଅନେକ ସହରରେ ବିଦ୍ୟୁତ୍ ଯୋଗାଣ ବନ୍ଦ କରିଦେଇଛି। ୟୁକ୍ରେନର ଶକ୍ତିମନ୍ତ୍ରୀ ବୁଧବାର ସାମାଜିକ ଗଣମାଧ୍ୟମରେ ଏନେଇ ସୂଚନା ଦେଇଛନ୍ତି। ୟୁକ୍ରେନ ଶକ୍ତିମନ୍ତ୍ରୀ ଫେସବୁକରେ ଲେଖିଛନ୍ତି ଯେ, ‘‘ଶତ୍ରୁ ଦେଶ ୟୁକ୍ରେନବାସୀଙ୍କୁ ଭୟଭୀତ କରିବାକୁ ଚେଷ୍ଟା କରୁଛି।’’
ୟୁକ୍ରେନର ଶକ୍ତିମନ୍ତ୍ରୀ ହରମନ ହଲ୍ୟୁଶ୍ଚେଙ୍କୋ ଲୋକଙ୍କୁ ସୁରକ୍ଷିତ ଆଶ୍ରୟସ୍ଥଳକୁ ଯିବାକୁ ନିବେଦନ କରିଛନ୍ତି ଏବଂ ସରକାରଙ୍କ ପକ୍ଷରୁ ଦିଆଯାଉଥିବା ଅପଡେଟ୍ ଉପରେ ନଜର ରଖିବାକୁ କହିଛନ୍ତି। ୟୁକ୍ରେନର ପଶ୍ଚିମ ଲିଭ୍ ଅଞ୍ଚଳରେ ଶକ୍ତି ଭିତ୍ତିଭୂମିକୁ ଟାର୍ଗେଟ କରି ଏହି ଆକ୍ରମଣ କରାଯାଇଛି। ଲିଭ୍ ସହରର ମେୟର ଏନେଇ ସୂଚନା ଦେଇଛନ୍ତି। ତେବେ ଏହି ଆକ୍ରମଣରେ କୌଣସି ବଡ଼ କ୍ଷୟକ୍ଷତିର ଖବର ନାହିଁ।
Comments are closed.