ନୂଆଦିଲ୍ଲୀ : ବଜାଜ ଅଟୋ ନିଜ ପଲସର ଆରଏସ୍ ୨୦୦କୁ ଭାରତରେ ଲଞ୍ଚ୍ କରିଦେଇଛି । ନୂଆ ପଲ୍ସର ଆରଏସ୍ ୨୦୦ରେ ନୂଆ ଡିଜାଇନ ବିଶିଷ୍ଟ ରିୟର ପ୍ରୋଫାଇଲ୍ ସହିତ ଗ୍ରାଫିକ୍ସ ଓ ଫିଚର୍ସ ଦିଆଯାଇଛି । ଭାରତୀୟ ବଜାରରେ ଏହାର ଦାମ୍ ୧.୮୪ ଲକ୍ଷ ଟଙ୍କା(ଏକ୍ସ ଶୋରୁମ୍) ରହିଛି । କହିରଖୁଛୁ କମ୍ପାନୀ ୨୦୧୫ରେ ପଲ୍ସର ଆରଏସ୍ ୨୦୦କୁ ଲଞ୍ଚ୍ କରିତିଲା ।
ନୂଆ ପଲ୍ସରରେ ଟ୍ବିନ୍ ଏଲଇଡି ପ୍ରୋଜେକ୍ଟର ହେଡଲ୍ୟାମ୍ପ ଦିଆଯାଇଛି । ରିୟରରେ ଏଲଇଡି ଟେଲ୍ ଲ୍ୟାମ୍ପ ଦିଆଯାଇଛି । ଏଥିରେ ୩ଟି ରଙ୍ଗର ବିକଳ୍ପ ମିଳିବ । ଏଥିରେ ଅଲ୍-ଡିଜିଟାଲ୍ ଏଲସିଡି ଇନଷ୍ଟ୍ରୁମେଣ୍ଟ କନସୋଲ୍ ଦିଆଯାଇଛି । ବ୍ଲୁଟୁଥ୍ ମାଧ୍ୟମରେ ସ୍ମାର୍ଟଫୋନକୁ ଏଥିରେ କନେକ୍ଟ କରିହେବ । ଏହା ବ୍ୟତୀତ ଏଥିରେ ଟର୍ଣ୍ଣ ବାଏ ଟର୍ଣ୍ଣ ନେଭିଗେସନ, ଡିଷ୍ଟାନ୍ସ ଟୁ ଏମ୍ଟି, ଇଣ୍ଟିଗ୍ରେଟେଡ୍ ଆମ୍ବିଏଣ୍ଟ୍ ଲାଇଟ୍ ସେନ୍ସର ଓ ଗିୟର ଇଣ୍ଡିକେଶନ ଭଳି ଅନେକ ଅତ୍ୟୁଧୁନିକ ଫିଚର୍ସ ଦିଆଯାଇଛି ।
ବାଇକରେ ୧୯୯.୫ ସିସିର ଲିକ୍ବିଡ୍-କୁଲ୍ଡ ଇଞ୍ଜିନ୍ ଦିଆଯାଇଛି ଯାହା ୨୪.୩ବିଏଚପିର ସର୍ବାଧିକ ପାଓ୍ବର ଓ ୧୮.୭ ଏନଏମର ପିକ୍ ଟର୍କ ଉତ୍ପନ କରିବାରେ ସକ୍ଷମ ହେବ । ବାଇକର ଇଞ୍ଜିନରେ ୬ ସ୍ପିଡ ଗିୟରବକ୍ସ ମିଳିବ । ଏହାର ମୁକାବିଲା କେଟିଏମ୍ ଆରସି ୨୦୦, ସୁଜୁକି ଜିକ୍ସର ଏସଏଫ୍ ୨୫୦ ଓ ଟିଭିଏସ୍ ଆପାଚେ ଆରଟିଆର୍ ୨୦୦ ଭଳି ବାଇକ୍ ସହ ହେବ ।
Comments are closed.