ନୂଆଦିଲ୍ଲୀ : ଚୀନର ସ୍ମାର୍ଟଫୋନ କମ୍ପାନୀ ୱାୱେର ବ୍ରାଣ୍ଡ ‘ଅନର’ ଭାରତରେ ନିଜର ନୂଆ ସ୍ମାର୍ଟଫୋନ ‘ଅନର ଭ୍ୟୁ-୨୦’ ଲଞ୍ଚ କରିଛି। ମଙ୍ଗଳବାର ଦିଲ୍ଲୀର ଗୁରୁଗ୍ରାମରେ ଆୟୋଜିତ ଏକ କାର୍ଯ୍ୟକ୍ରମରେ ଏହି ଫୋନକୁ ଲଞ୍ଚ କରାଯାଇଛି। ଏହି ଫୋନରେ ଖାସ୍ କଥା ହେଉଛି ଏଥିରେ ରେଡମି ନୋଟ-୭ଭଳି ୪୮ମେଗାପିକ୍ସଲର କ୍ୟାମେରା ରହିଛି।
‘ଅନର ଭ୍ୟୁ-୨୦’ର ବିଶେଷତ୍ୱ ବିଷୟରେ କହିଲେ ଏଥିରେ ୬.୪ଇଞ୍ଚର ଫୁଲ ଏଚଡି ପ୍ଲସ ଡିସପ୍ଲେ ରହିଛି। ଯାହାର ଆସପେକ୍ଟ ରେଶିୟୋ ୧୯.୨୫:୯ ରହିଛି। ଏଥିରେ ’ୱାୱେ’ର ଇନ୍ହା ଉସ୍ ହାଇସିଲିକନ୍ କିରିନ୍ ୯୮୦ପ୍ରୋସେସର, ୬ଜିବି/୮ଜିବି ରାମ ଏବଂ ୧୨୮ଜିବି/୨୫୬ଜିବି ଷ୍ଟୋରେଜ ମିଳିବ। ଅନରର ଏହି ଫୋନରେ ୪୮ମେଗାପିକ୍ସେଲର ରିୟର କ୍ୟାମେରା ଏବଂ ୨୫ମେଗାପିକ୍ସେଲର ଆଗପଟ କ୍ୟାମେରା ଦିଆଯାଇଛି। ୪୮ମେଗାପିକ୍ସେଲର କ୍ୟାମେରା ସହିତ ସୋନି ଆଇଏମ୍ଏାକ୍ସ ୫୮୬ସେନସର ରହିଛି । ଏହାବ୍ୟତୀତ ଫୋନରେ ୪,୦୦୦ଏମ୍ଏ ଚର ବ୍ୟାଟେରୀ ସହିତ ୨୨.୫ଡବ୍ଲୁ ସୁପରଚାର୍ଜର ସପୋର୍ଟ ମିଳିବ। ଏହାର ୬ଜିବି ରାମ ଏବଂ ୧୨୮ଜିବି ଷ୍ଟୋରେଜର ମୂଲ୍ୟ ୩୭,୯୯୯ଟଙ୍କା। ଏବଂ ଏହାର ୮ଜିବି ରାମ ସହିତ ୨୫୬ଜିବି ଷ୍ଟୋରେଜର ମୂଲ୍ୟ ୪୫,୯୯୯ଟଙ୍କା। ଏହି ଫୋନ ସହିତ ୨,୯୯୦ଟଙ୍କାର ବ୍ଲୁଟୁଥ ହେଡଫୋନ ମାଗଣାରେ ପାଇପାରିବେ।
