ସମାଜ ଡିଜିଟାଲ ଡେସ୍କ: ମେଲ୍ବୋର୍ଣ୍ଣ ଟେଷ୍ଟରେ ଶୋଚନୀୟ ପରାଜୟର ସମ୍ମୁଖୀନ ହୋଇଛି ଭାରତ। ୧୮୪ ରନ୍ରେ ବିଜୟ ହାସଲ କରିଛି ଅଷ୍ଟ୍ରେଲିଆ। ୩୪୦ ରନର ବିଜୟ ଲକ୍ଷ୍ୟକୁ ପିଛା କରି ଦ୍ଵିତୀୟ ଇନିଂସରେ ମାତ୍ର ୧୫୫ ରନ୍ ସଂଗ୍ରହ କରିଥିଲା ଟିମ୍ ଇଣ୍ଡିଆ। ୧୩ ବର୍ଷ ପରେ ମେଲବୋର୍ଣ୍ଣ ଟେଷ୍ଟ ହାରିଛି ଭାରତ। ଏହା ପୂର୍ବରୁ ୨୦୧୧ରେ ହାରିଥିଲା ଟିମ୍ ଇଣ୍ଡିଆ। ଏହି ବିଜୟ ସହିତ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜରେ ୪ ଟେଷ୍ଟ ପରେ ୨-୧ରେ ଆଗୁଆ ରହିଛି କଙ୍ଗାରୁ ଦଳ। ଏହି ସିରିଜରେ ପଞ୍ଚମ ତଥା ଶେଷ ଟେଷ୍ଟ ଜାନୁଆରୀ ୩ରୁ ସିଡନୀରେ ଖେଳାଯିବ।
ଅଷ୍ଟ୍ରେଲିଆ ପ୍ରଥମ ଇନିଂସରେ ୪୭୪ ରନ୍ କରିଥିବାବେଳେ ଦ୍ୱିତୀୟ ଇନିଂସରେ କରିଛି ୨୩୪ ରନ୍। ଅପରପକ୍ଷେ ପ୍ରଥମ ଇନିଂସରେ ଭାରତ ୩୬୯ ରନ୍ କରିଥିବାବେଳେ ଦ୍ୱିତୀୟ ଇନିଂସରେ ସଂଗ୍ରହ କରିଛି ୧୫୫ ରନ୍।
