ନୂଆଦିଲ୍ଲୀ : ଯଦି ଆପଣ ଏକ ନୂଆ କାର୍ କିଣୁଛନ୍ତି ତେବେ ଏହା ଏକ ବଡ ନିବେଶ ଏବଂ ଆପଣ ଏଥିପାଇଁ ଅନେକ ପଇସା ଖର୍ଚ୍ଚ କରିଥିବେ ନିଶ୍ଚୟ । ଏଭଳି କ୍ଷେତ୍ରରେ ଆପଣ କାରକୁ ନୂଆ ଭଳି ରଖିବା ପାଇଁ ଅନେକ ବ୍ୟବସ୍ଥା କରିବେ । ଆଜିକାଲି ମେଟ୍ରୋ ସହରରେ ଗାଡିରେ ସ୍କ୍ରାଚ୍ ଲାଗିବା ସାଧାରଣ କଥା । ଏଥିରୁ ରକ୍ଷା ପାଇବା ପାଇଁ କାର୍ ବ୍ୟବହାର କରୁଥିବା ଲୋକେମାନେ ପିପିଏଫ୍ ବ୍ୟବହାର କରନ୍ତି । ପିପିଏଫ୍(ପେଣ୍ଟ୍ ପ୍ରୋଟେକ୍ସନ ଫିଲ୍ମ) ଯାହା ଗାଡିର ରଙ୍ଗ ଏବଂ ବାହାର ଭାଗକୁ ସୁରକ୍ଷିତ ରଖିଥାଏ । ତେବେ ଏହି କୋଟିଂ ଦ୍ବାରା କେତେ ସୁବିଧା ହେବା ସହ କ’ଣ କ’ଣ ଅସୁବିଧା ହୋଇଥାଏ ଆସନ୍ତୁ ଜାଣିବା ।
ସ୍କ୍ରାଚ୍ ପ୍ରୋଟେକ୍ସନ- ପିପିଏଫ୍ ଏକ ପତଳା ଫିଲ୍ମ ହୋଇଥାଏ ଯାହା କାରର ରଙ୍ଗ ଉପରେ ଚଢାଯାଏ । ଏହି ପେଣ୍ଟ ଛୋଟ ଛୋଟ ସ୍କ୍ରାଚରୁ ରକ୍ଷା କରିଥାଏ । ଏହା ସହ ଏହି ପ୍ରୋଟେକ୍ସନ ୟୁଭି କିରଣରୁ ରକ୍ଷା କରିଥାଏ ଯାହା ଫଳରେ କାରର ରଙ୍ଗ ଫିକା ପଡିନଥାଏ । ଫଳରେ ଗାଡିକୁ ବିକିବା ସମୟରେ ସଠିକ୍ ଦାମ୍ ମିଳିଥାଏ ।
ପିପିଏଫ ଲଗାଇବା ଦ୍ବାରା କ୍ଷତି
ପିପିଏଫ୍ ଲଗାଇବା ବହୁତ ମହଙ୍ଗା ହୋଇଥାଏ । ଏହାର ଦାମ୍ କାରର ମଡେଲ ଓ ଆକାର ଉପରେ ନିର୍ଭର କରେ । ସମସ୍ତ ପିପିଏଫ୍ ଏକା ଭଳି ହୋଇନଥାଏ । ଖରାପ କ୍ବାଲିଟି ବିଶିଷ୍ଟ ପିପିଏଫ୍ ଧିରେ ଧିରେ ହଳଦିଆ ପଡିଯାଏ ଏବଂ ଗାଡିରୁ ଉଠିଯାଇପାରେ ।
ଯଦି ଆପଣ ନିଜ କାରରେ ପିପିଏଫ୍ କରାଇବାକୁ ଚାହୁଁଛନ୍ତି ତେବେ କରାଇପାରିବେ । ଏହା ଏକ ଭଲ ବିକଳ୍ପ । କିନ୍ତୁ ଉତ୍ତମ କ୍ବାଲିଟିର ପିପିଏଫ୍ କରାଇବା ଉଚିତ୍ କିମ୍ବା ଯଦି ଆପଣଙ୍କ ବଜେଟ୍ କମ୍ ତେବେ ଆପଣ ସେରାମିକ୍ କୋଟିଂକୁ ମଧ୍ୟ ବିକଳ୍ପ ରୂପେ ଚୟନ କରିପାରିବେ ।
Comments are closed.