ମୁମ୍ବଇ: ମଲ୍ଟି ଷ୍ଟାରର ଚଳଚ୍ଚିତ୍ର ‘ଟୋଟାଲ ଧମାଲ’ର ଟ୍ରେଲର ବୁଧବାର ମୁକ୍ତିଲାଭ କରିଛି। ଏହା ଏକ ହାସ୍ୟରସାତ୍ମକ ଚଳଚ୍ଚିତ୍ର। ଅଜୟ ଦେବଗନ, ଅନିଲ କପୁର, ମାଧୁରୀ ଦୀକ୍ଷିତ୍, ରିତେଶ ଦେଶମୁଖ୍, ଅରଶଦ ୱାରସି, ଜାବେଦ ଜାଫରି, ସଞ୍ଜୟ ମିଶ୍ରା, ଜନି ଲିବର ଏବଂ ପିତୋବାସଙ୍କ ଭଳି କଳାକାର ଚଳଚ୍ଚିତ୍ରର ଟ୍ରେଲରରେ ଦେଖାଯାଇଛନ୍ତି। ଏହି ଚଳଚ୍ଚିତ୍ରରେ ନିର୍ଦେଶନାର ଭାର ସମ୍ଭାଳିଛନ୍ତି ଇନ୍ଦ୍ର କୁମାର। ଏହା ଧମାଲର ତୃତୀୟ ଭାଗ।
ଏହା ପୂର୍ବରୁ ମୁକ୍ତିଲାଭ କରିଥିବା ଧମାଲ ଏବଂ ଡବଲ ଧମାଲ ଚଳଚ୍ଚିତ୍ର ବକ୍ସଅଫିସରେ ଭଲ ବ୍ୟବସାୟ କରିଥିଲା। ଧମାଲର ତୃତୀୟ ଭାଗ ସହିତ ଚଳଚ୍ଚିତ୍ର ନିର୍ମାତା ନୂଆ କଳାକାରଙ୍କୁ ପ୍ରବେଶ କରାଇଛନ୍ତି। ପ୍ରଥମଥର ପାଇଁ ଧମାଲରେ ମାଧୁରୀ ଦୀକ୍ଷିତ୍, ଅନିଲ କପୁର, ଅଜୟ ଦେବଗନଙ୍କ ଭଳି ବଡ କଳାକାର ଅଭିନୟ କରିଛନ୍ତି। ଫେବୃଆରୀ ୨୨ରେ ମୁକ୍ତିଲାଭ କରିବ ଏହି ଚଳଚ୍ଚିତ୍ର।