ବାଲୁଗାଁ: ବାଇକକୁ ପଛରୁ ପିଟିଲା ଟ୍ରକ, ଘଟଣାସ୍ଥଳରେ ୨ଜଣଙ୍କ ମୃତ୍ୟୁ ହୋଇଛି। ୧୬ ନମ୍ବର ଜାତୀୟ ରାଜପଥ ଖଡ଼ିକାପଲ୍ଲୀ ନିକଟରେ ଦୁର୍ଘଟଣା ହୋଇଥିବା ସୂଚନା ମିଳିଛି। ଏହି ମର୍ମନ୍ତୁଦ ଦୁର୍ଘଟଣାରେ ୨ଜଣଙ୍କ ମୃତ୍ୟୁ ସହିତ ଜଣେ ଗୁରୁତର ହୋଇଛନ୍ତି। ଦୁର୍ଘଟଣା ପରେ ସରନଈ ନିକଟରେ ଉତ୍ୟେକ୍ତ ଲୋକ ରାସ୍ତାରୋକ କରିଛନ୍ତି। ଫଳରେ ଦୀର୍ଘ ସମୟ ଧରି ଯାନବାହନ ଚଳାଚଳରେ ବ୍ୟାହତ ସୃଷ୍ଟି ହୋଇଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ରାସ୍ତାରୋକ କରିଥିବା ଉତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲା ଏବଂ ଯାତାୟତ ସ୍ବାଭାବିକ ହୋଇଥିଲା। ସମସ୍ତ ମୃତାହତ ବାଲୁଗାଁ ଅଞ୍ଚଳର ଏବଂ ସେମାନେ ଗଞ୍ଜାମରୁ ବାଇକରେ ଫେରୁଥିଲେ ବୋଲି ଜଣାପଡ଼ିଛି।
Comments are closed.