ସମ୍ବଲପୁର : ସମ୍ବଲପୁର ପୁଲିସ ରବିବାର ବିପୁଳ ନିଶା କଫ ସିରପ ସମେତ ୨୦ ଜଣଙ୍କୁ ଗିରଫ କରିଛି । ଅତିରିକ୍ତ ଜିଲା ପୁଲିସ ଆରକ୍ଷୀ ଅଧିକ୍ଷକ ହରେଶ ପାଣ୍ଡେଙ୍କ ସୂଚନାନୁଯାୟୀ, ଆଜି ପେଟ୍ରୋଲିଂ ଦିନବେଳା ପେଟ୍ରୋଲିଂ ସମୟରେ ଖବର ମିଳିଥିଲା ଯେ, ବିନା ନମ୍ବର ପ୍ଲେଟ ଥିବା ଏକ ଛୋଟ ପିକ ଅପ ଗାଡିରେ ପଶ୍ଚିମବଙ୍ଗ ରାଜ୍ୟରୁ ସମ୍ବଲପୁରକୁ ବିପୁଳ ନିଶା କଫ ସିରପ ଚାଲାଣ ହେଉଛି । ଉକ୍ତ ଗାଡିକୁ ସଦର ଥାନା ଅନ୍ତର୍ଗତ କୁଦୋପାଲି ଅଞ୍ଚଳରେ ଥିବା ଏକ ବରଫ ଫ୍ୟାକ୍ଟ୍ରି ପଛରେ ଓହ୍ଲାଇବାର ରହିଛି । ଏଣୁ ତୁରନ୍ତ ଉକ୍ତ ସ୍ଥାନରେ ପୁଲିସ ପହଞ୍ଚି ଚଢ଼ଉ ପୁର୍ବରୁ ନିଶା କଫ ସିରପ ଚାଲାଣ କରିଥିବା ଗାଡିଟି ଫେରାର ମାରିଥିବାବେଳେ ସେଠାରେ ରଖାଯାଇଥିବା ନିଶା କଫ ସିରପ ଗୁଡିକୁ ସହର ମଧ୍ୟକୁ ନେବା ସହିତ ବିଭିନ୍ନ ବ୍ୟକ୍ତିଙ୍କୁ ଭାଗବଣ୍ଟା ପାଇଁ ବିଭିନ୍ନ ଗାଡି ଓ କାର ରଖାଯାଇଥିଲା । ଚଢ଼ଉ ସମୟରେ ପୁଲିସ ଘଟଣାସ୍ଥଳରୁ ୨୦ଟି ପେଟିରେ ଭର୍ତ୍ତି ଥିବା ୨୨ ଶହ ୭୨ଟି ନିଶା କଫ ସିରପ ଜବତ କରିବା ସହିତ ଗୋଟିଏ ଦାମୀକିଆ କାର, ଗୋଟିଏ ମୋଟର ସାଇକେଲ, ୩ଟି ସ୍କୁଟି, ୧୧ଟି ମୋବାଇଲ ଫୋନ ଏବଂ ୧୭ ହଜାର ଟଙ୍କା ନଗଦ ରାଶି ଜବତ କରିଥିଲା । ନିଶା କଫ ସିରପ ଗୁଡିକୁ ସହର ମଧ୍ୟକୁ ଚାଲାଣ ପାଇଁ ରହିଥିବା ୨୦ ଜଣ ବ୍ୟକ୍ତିଙ୍କୁ ଗିରଫ କରିଛି ।
Comments are closed.