ପାଟଣା : କେନ୍ଦୁଝର ଜିଲା ପାଟଣା ବନାଞ୍ଚଳରେ ଥମୁନି ହାତୀ ଆତଙ୍କ । ଏକ ୨୮ ଟିକିଆ ହାତୀପଲ ଖିରେଇଟାଙ୍ଗିରୀ ସେକ୍ସନ ଅଞ୍ଚଳରେ ଏକର ଏକର ଧାନ ଫସଲ ନଷ୍ଟ କରିଛନ୍ତି। ଏହି ହାତୀପଲ ପଦ୍ମପୁର ବାରଡାଙ୍ଗୁଆ ,କୋଡ଼ଖମଣ, ଅଙ୍ଗିକଳା, କଣ୍ଟିଆପଡ଼ା, ମାନପୁର, ବରୁଡ଼ିପଶି, ଚିଲିଦା ଆଦି ଗ୍ରାମରେ ଆତଙ୍କ ଖେଳାଇ ବ୍ୟାପକ ଧାନ ଚାଷ ମାଡିମକଚି ନଷ୍ଟ କରି ଦେଇଛନ୍ତି। ଏବେ ହାତୀପଲ ବାରଡାଙ୍ଗୁଆ ଚିଲିଦା ଗାଁ ନିକଟରେ ଘୁରି ବୁଲୁଛନ୍ତି। ଗାଁ ନିକଟରେ ହାତୀପଲ ବୁଲୁଥିବାରୁ ସ୍ଥାନୀୟ ଲୋକେ ଭୟଭୀତ ଅବସ୍ଥାରେ ଅଛନ୍ତି । ଗତରାତି ଏହି ପଦ୍ମପୁର ଗ୍ରାମରେ ଜଣଙ୍କର ଘର ଭାଙ୍ଗିଥିବା ସୂଚନା ମିଳିଛି। ଋଣ କରଜ କରି ଧାନ ଚାଷ କରିଥିବା ଚାଷୀ ଏବେ ଚିନ୍ତାରେ ପଡିଛନ୍ତି। ଖିରେଇଟାଙ୍ଗିରି ବନରକ୍ଷୀ ଲକ୍ଷ୍ମୀପ୍ରିୟା ମହାନ୍ତ ଓ ବନବିଭାଗ ପାରା କର୍ମଚାରୀ ମାନେ ହାତୀ ପଲଙ୍କ ଉପରେ ନଜର ରଖିଛନ୍ତି।
Popular Categories
Previous article
Next article